“भाजपाशी विचार जुळत असले तरी…”, पक्षप्रवेशाच्या चर्चेवर अंबादास दानवेंचं मोठं विधान

पत्रकार परिषद घेत असताना अंबादास दानवे यांनी वृत्तवाहिन्यावर आपली नाराजी प्रकट केली. माझ्या पक्षप्रवेशाच्या खोट्या बातम्या पसरविल्या जात आहेत. ज्यांनी बिनबुडाचे वृत्त दिले, त्यांच्यावर कायदेशीर कारवाई करण्याची चाचपणी करत आहे, असेही संकेत त्यांनी दिले. तसेच मी सच्चा शिवसैनिक असून शिवसेना ठाकरे गटातून बाहेर पडणार नाही, असेही ते म्हणाले. उबाठा गटात नाराजी असल्याबाबत ते म्हणाले की, लोकसभेची यादी जाहीर होईपर्यंत मी नक्कीच नाराज होतो. मला उमेदवारी मिळावी, यासाठी माझा प्रयत्न होता. पण ज्याक्षणी पक्षनेतृत्वाने निर्णय घेतला. त्याचवेळी माझी नाराजी संपुष्टात आली. मी आता जोमाने खैरेंचा प्रचार करणार आहे, असेही ते म्हणाले.

आणखी वाचा

रामदास आठवले भाजपला सांभाळणार की रिपब्लिकन कार्यकर्त्यांना?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

मराठावाड्यातील तीन मतदारसंघांत गुंडगिरीचा मुद्दा प्रचारात प्रभावी

फडणवीस म्हणाले, “पाटणी पुत्राची समजूत घालण्याचा प्रयत्न केला, पण…”

पुन्हा ‘३७० कलम’ राहुल गांधींना आता कायमचे अशक्य- अमित शहा यांचे काँग्रेसवर टीकास्र

लोकमानस: धोरणांचा प्रचार झालाच नाही

अजित पवार म्हणाले, “धरसोड केली तर तुमची विश्वासार्हता राहात नाही”; मुख्यमंत्रीपदाबाबतही तडजोडीची तयारी!

भोसरी राजकारण तापलं; महेश लांडगेंच्या तंबीला अजित गव्हाणेंचे प्रत्युत्तर, म्हणाले “पराभवाच्या छायेतून…”

विचार एक असले म्हणून काय झालं?

भाजपा नेते रावसाहेब दानवे माध्यमांशी बोलताना म्हणाले की, अंबादास दानवे आणि भाजपा यांचे विचार एकच आहेत. त्यामुळे ते आमच्याबरोबर येतील, असा आम्हाला विश्वास आहे. दानवे यांच्या दाव्याबाबत बोलताना अंबादास दानवे म्हणाले की, शिवसेना-भाजपा यांची २५ वर्ष युती होती. विचार जुळत असल्यामुळेच ही युती होती ना? आज आमच्या भूमिका वेगळ्या आहेत, म्हणून आम्ही वेगळे झालो. पण विचार एकच आहेत, त्यामुळे मी पक्ष सोडून भाजपात जावे, असे काही नाही. आमची स्वतंत्र विचारधारा आहे, शिवसेनेचा स्वतंत्र बाणा आहे, त्या बाण्यावर आमची वाटचाल सुरू आहे.

आठ दिवसांत लोकसभा मतदारसंघ ढवळून काढणार

लोकसभा निवडणुकीसाठी चंद्रकांत खैरेंचा प्रचार करण्याबाबत दानवे म्हणाले की, हा मतदारसंघ फार मोठा नाही. आठ दिवसांत संपूर्ण मतदारसंघ ढवळून काढू. आमची संघटना तळागाळात आहे. बूथस्तरापर्यंत कार्यकर्त्यांचे जाळे आहे. त्यामुळे एकदा प्रचारात उतरलो की, आठ दिवसांत प्रचार करू. तसेच मी स्टार प्रचारक असल्यामुळे मला महाराष्ट्रात इतर ठिकाणीही प्रचारासाठी जायचे आहे.