उद्धव ठाकरेंसाठी एनडीएचे दरवाजे खुले आहेत? गृहमंत्री अमित शाह म्हणाले…

संयुक्त शिवसेना आणि भारतीय जनता पार्टीची तीन दशकांहून अधिक काळ युती होती. उभय पक्षांच्या युतीने राज्यात अनेक वेळा सत्तास्थापन केली. भाजपाने केंद्रात स्थापन केलेल्या अनेक सरकारांमध्ये शिवसेनेला स्थान दिलं होतं. सध्या शिवसेनेचा शिंदे गट एनडीएचा सदस्य आहे. अशातच उद्धव ठाकरे यांची एनडीएत परतण्याची इच्छा असेल तर भाजपा त्यांचं स्वागत करेल का? असा प्रश्न उपस्थित केला जात आहे. यावर केंद्रीय गृहमंत्री अमित शाह यांनी उत्तर दिलं आहे.

आणखी वाचा

Uddhav Thackeray : “राज ठाकरेंशी युती करणं शक्यच नाही, महाराष्ट्र द्रोही..”, उद्धव ठाकरेंचं वक्तव्य

Nana Patole : निकालाआधी राजकीय घडामोडींना वेग; यातच…

उद्धव यांचे भावनिक आवाहन ठाकरे सेनेला कितपत तारणार? मराठवाड्याकडे विशेष लक्ष?

Amit Shah: आता थेट केंद्रीय गृहमंत्री अमित शाह यांच्या हेलिकॉप्टरची तपासणी; उद्धव ठाकरेंप्रमाणेच व्हिडीओ पोस्ट करत म्हणाले..

Uddhav Thackeray : “…तर मविआचे कार्यकर्ते फडणवीस, अजित पवारांच्या बॅगा तपासतील”, निवडणूक अधिकाऱ्यांनी बॅगेची तपासणी केल्यानंतर उद्धव ठाकरेंचा इशारा

Raj Thackeray : ‘सत्तेत जायचा फॉर्म्युला काय?’ राज ठाकरे म्हणाले, “या निवडणुकीत..”

Uddhav Thackeray : उद्धव ठाकरेंचं जय शाह यांना खुलं आव्हान; म्हणाले, “गावातील कोणत्याही तरुणाबरोबर क्रिकेट खेळून दाखवावं, मग…”

Raj Thackeray : राज ठाकरेंची उद्धव ठाकरेंवर जोरदार टीका, “बाळासाहेब ठाकरे म्हणाले होते माझ्या शिवसेनेची काँग्रेस होताना दिसली तर..”

उद्धव ठाकरे (शिवसेना उद्धव ठाकरे पक्ष) आणि भाजपाची जुनी मैत्री आहे. हे दोन मित्र पुन्हा एकत्र येतील का? यावर राजकीय विश्लेषक आणि प्रसारमाध्यमांकडून वेगवेगळे तर्कवितर्क लावले जात असतात. अशातच या चर्चेवर अमित शाह यांनी प्रतिक्रिया दिली आहे. दरम्यान, टीव्ही ९ नेटवर्कच्या वार्षिक कॉन्क्लेव्हमध्ये अमित शाह बोलत असताना त्यांना उद्धव ठाकरेंबाबत प्रश्न विचारण्यात आलं. भाजपाने त्यांचा जुना सहकारी नितीश कुमार यांना एनडीएत घेतलं आहे. त्याचप्रमाणे एनडीए सोडून गेल्या उद्धव ठाकरेंची एनडीएत परतण्याची इच्छा असेल तर भाजपा त्यांचं स्वागत करेल का? असा प्रश्न शाह यांना विचारण्यात आला. यावर शाह म्हणाले, या जर-तरच्या चर्चेला काहीच अर्थ नाही. तुम्ही असा प्रश्न मला विचारून तुम्हाला हेडलाईन मिळणार नाही. तुम्ही मला आगामी निवडणुकीबाबत प्रश्न विचारा. अन्यथा तुमची वेळ संपेल. शाह यांनी एकप्रकारे उद्धव ठाकरेंबाबतच्या प्रश्नावर उत्तर देणं टाळलं.

बिहारमध्ये भाजपा आणि एनडीएने परत एकदा युती केली आहे. त्यामुळे बिहारच्या आगामी विधानसभा निवडणुकीत युतीचा मुख्यमंत्रिपदाचा चेहरा कोण असेल किंवा एनडीए बिहारमध्ये कोणाच्या नेतृत्वात निवडणूक लढेल असा प्रश्न उपस्थित केला जात आहे. हाच प्रश्न अमित शाह यांनादेखील विचारण्यात आला. त्यावर गृहमंत्री म्हणाले, विधानसभा निवडणुकीला अद्याप वेळ आहे. आत्ता आम्ही लोकसभा निवडणूक लढणार आहोत. त्यामुळे आत्ता तुम्ही लोकसभेबाबत बोला. विधानसभेच्या वेळी आम्ही दोन पक्ष एकत्र बसून सर्वकाही ठरवू. तुम्ही प्रसारमाध्यमांनी काही गोष्टी आमच्यावर सोडायला हव्यात. सगळं काही तुम्हीच ठरवणार का?

हे ही वाचा >> “मनोज जरांगे शरद पवारांची स्क्रिप्ट वाचतायत”, फडणवीसांच्या आरोपांवर पवार म्हणाले, “मी आंतरवालीला जाऊन…”

भाजपा-उबाठा युती होणार का? फडणवीस म्हणाले…

दरम्यान, उद्धव ठाकरेंबाबतच्या प्रश्नावर अलीकडेच राज्याचे उपमुख्यमंत्री देवेंद्र फडणवीस यांनी उत्तर दिलं होतं. फडणवीस म्हणाले होते, आमच्यातली सध्याची परिस्थिती अशी आहे की आमची मनं दुखावली आहेत. उद्धव ठाकरे यांचा आमच्याबरोबर ज्याप्रकारचे व्यवहार राहिला आहे, ज्या प्रकारे खालच्या स्तरावर जाऊन ते सध्या पंतप्रधान नरेंद्र मोदी यांच्यावर टीका करतात, या सगळ्या गोष्टींनी आमची मनं दुखावली गेली आहेत. जिथे मनं दुखावतात तिथे युती होत नाही. राजकीय मतभेद असतील तर ते दूर करून युती होते. परंतु, जिथे मनं दुरावलेली असतात, तिथे एकत्र येणं कठीण असतं आमची मनं दुरावली आहेत. यात शंका नाही.