Amol Kolhe : “गुलाबी रंगाची पुंगी वाजवून…”, अमोल कोल्हेंची अजित पवारांवर टीका; म्हणाले…

अमोल कोल्हे (Amol Kolhe) यांनी जुन्नर येथून शिवस्वराज्य यात्रेला सुरुवात केली आहे. या शिवस्वराज्य यात्रेत संबोधित करताना त्यांनी राज्य सरकारच्या विविध योजनांची दुसरी बाजू मांडली. या योजना फक्त दोन महिन्यांपुरत्या असल्याचंही ते म्हणाले. एवढंच नव्हे तर त्यांनी यावेळी अजित पवारांवरही थेट टीका केली. ते म्हणाले, नागपंचमीच्या सणाचं वैशिष्ट्य आहे. आम्ही सापाला दूध पाजणं म्हणत नाही. शेतकऱ्यांसाठी हा कृतज्ञतेचा सण आहे. म्हणून आपण नागदेवतेची पूजा करतो. पण या सणाचं स्वरुप आजकाल नागाचे दात काढून नंतर पुंगी वाजवून त्याला डोलायला लावणं इथपर्यंत झालंय. हा फरक समजून घ्या. कारण गुलाबी रंगाची पुंगी वाजवून योजनांचा आवाज काढत जनतेचा नाग डोलतो का काय हे बघण्याचा प्रयत्न सुरू होत असताना जनता मात्र कृतज्ञ आहे.”

आणखी वाचा

“आधी मणिपूर ‘सेफ’ करा आणि मग…”; उद्धव ठाकरेंच्या शिवसेनेचं मोदी सरकारवर टीकास्र!

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Amol Kolhe : “इलाका तुम्हारा, धमाका हमारा, उद्या तुमच्या मतदारसंघात…”, अमोल कोल्हेंचा अजित पवारांना जाहीर इशारा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

Ajit Pawar: “मी पेताड, गंजेडी असतो तर ठीक आहे, पण…”, अजित पवारांनी प्रतिभाताई पवारांचा भाषणात केला उल्लेख; म्हणाले…

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

“जीभेवर व्हेज, मनात नॉनव्हेज…”, सिद्धार्थ चांदेकरने अमेय वाघला वाढदिवसाच्या दिल्या हटके शुभेच्छा; म्हणाला…

Amol Kolhe : “चुकीला माफी मिळते, पण गद्दारीला…”, खासदार अमोल कोल्हेंची अजित पवारांवर अप्रत्यक्ष टीका

हेही वाचा >> Uddhav Thackeray : “काँग्रेसची हुजरेगिरी करूनही उद्धव ठाकरेंचे हात रिकामे”, भाजपाचा टोला; म्हणाले, “मराठा आरक्षणप्रश्नी दिल्लीत…”

महायुती सरकारने गेल्या काही दिवसांपासून अनेक महिला केंद्रीत योजना आणल्या आहेत. तसंच, महिला मतदारांना आकर्षित करण्याकरता विविध कार्यक्रमस्थळी गुलाबी रंगांचा सर्वाधिक वापर केला जातोय. एवढंच नव्हेतर हल्ली अजित पवार गुलाबी रंगांचंच जॅकेट घालत आहेत. त्यामुळे त्यांच्या या पिंक पॉलिटिक्सकडे आता सर्वांचं जाणीवपूर्वक लक्ष आहे. यावरूनच अमोल कोल्हे (Amol Kolhe) यांनी त्यांना त्यांचं नाव घेता लक्ष्य केलं.

दरम्यान, अमोल कोल्हेंनी अजित पवारांवर केलेल्या टीकेवर अमोल मिटकरी यांनी प्रत्युत्तर दिलं आहे. “अजितदादांनी जनसन्मान यात्रेत निर्माण केलेल्या झंजावाताने तुतारी गट बिथरला आहे. गुलाबी रंगाचे वावडे असणाऱ्या खासदाराला स्वतः ला गुलाबी रंग लावताना मात्र फार आनंद वाटतो. लोकसभेत थोडे यश काय मिळाले हा गडी तर जनतेला “नागोबा” म्हणायला निघाला”, असं अमोल मिटकरी म्हणाले.

अजितदादांनी जनसन्मान यात्रेत निर्माण केलेल्या झंजावाताने तुतारी गट बिथरला आहे. गुलाबी रंगाचे वावडे असणाऱ्या खासदाराला स्वतः ला गुलाबी रंग लावताना मात्र फार आनंद वाटतो. लोकसभेत थोडे यश काय मिळाले हा गडी तर जनतेला "नागोबा" म्हणायला निघाला.

— आ. अमोल गोदावरी रामकृष्ण मिटकरी (@amolmitkari22) August 9, 2024

यावरून आता अमोल कोल्हे काय प्रत्युत्तर देतात हे पाहावं लागेल.