Amol Mitkari on Chhatrapati Shivaji Maharaj Statue Collapsed : सिंधुदुर्ग जिल्ह्यातील मालवण येथील राजकोट किल्ल्यावर उभारण्यात आलेला छत्रपती शिवाजी महाराजांचा पूर्णाकृती पुतळा २६ ऑगस्ट रोजी कोसळला. अवघ्या आठ महिन्यांतच हा पुतळा कोसळल्यामुळे या घटनेवरुन विरोधक राज्य सरकारवर टीका करत आहेत. या पुतळ्यावरून सत्ताधारी व विरोधकांमधील राजकारण तापलेलं असताना सत्ताधारी राष्ट्रवादी काँग्रेस पार्टीच्या अजित पवार गटातील आमदार (विधान परिषद) अमोल मिटकरी यांनी केलेल्या एका वक्तव्यामुळे सर्वांच्या भुवया उंचावल्या आहेत. अमोल मिटकरी (Amol Mitkari) यांनी या पुतळ्यातील त्रुटीवरून शिल्पकार जयदीप आपटेवर संताप व्यक्त केला आहे.

मिटकरी यांनी एक्स या मायक्रोब्लॉगिंग प्लॅटफॉर्मवर एक पोस्ट केली आहे. यामध्ये म्हटलं आहे की “आपटे, छत्रपती शिवाजी महाराजांच्या डाव्या डोळ्याच्या भुवईवर या शिल्पात खोप का दाखवली? या मागचा इतिहास काय आहे? हे सर्व ठरवून केलंय का? की याच भरवशावर कंत्राट मिळवलं? जबाब तो देना पडेगा”.

नक्की वाचा
Bhagwan Rampure on Statue Collapse
Chhatrapati Shivaji Maharaj Statue Collapse : “चूक शिल्पकाराची नाही, मला दुःख आहे की…”, प्रख्यात शिल्पकार भगवान रामपुरे यांचा सरकारवर गंभीर आरोप
how does suiceide pod work
इच्छामरणासाठी तयार करण्यात आलेले ‘सुसाईड पॉड’ काय आहेत? हे मशीन कसे कार्य करते? याची चर्चा का होत आहे?
Supreme Court Contempt Notice To Maharashtra additional Chief Secretary
Supreme Court : “हे कसले IAS अधिकारी?” सर्वोच्च न्यायालयाने महाराष्ट्राच्या अतिरिक्त मुख्य सचिवांना सुनावलं, नोटीसह बजावली
Road Connecting Baroda to Statue Of Unity Broken
Statue of Unity : बडोदा ते स्टॅच्यू ऑफ युनिटीला जोडणारा रस्ता तुटला, काँग्रेसने व्हिडीओ पोस्ट करत विचारला खोचक प्रश्न
Amruta Fadnavis
Amruta Fadnavis : शिवरायांचा पुतळा कोसळल्याप्रकरणी अमृता फडणवीसांची प्रतिक्रिया; म्हणाल्या, “त्यापेक्षाही मोठा पुतळा…”
Chhatrapati Shivaji Maharaj statue collapsed in Malvan
Chhatrapati Shivaji Maharaj Statue : सिंधुदुर्गमधील छत्रपती शिवाजी महाराजांचा पुतळा कोसळल्यानंतर नौदलाची पहिली प्रतिक्रिया, दुर्घटनेचं कारण काय?
eknath shinde Chhatrapati Shivaji Maharaj Statue Collapse at Rajkot Fort Malvan Sindhudurg
Chhatrapati Shivaji Maharaj Statue Collapse : मालवणमधील शिवाजी महाराजांचा पुतळा कशामुळे पडला? एकनाथ शिंदेंनी सांगितलं कारण
Amol mitkari jaydeep apte 1
Amol Mitkari : “जयदीप आपटे याचा त्या पुतळ्याद्वारे छुपा अजेंडा…”, मिटकरींचे गंभीर आरोप; देवेंद्र फडणवीसांना म्हणाले…

शिवाजी महाराजांच्या या पुतळ्याच्या मस्तकावर डाव्या भुवईवर एक खोच कोरण्यात आली होती, असा दावा केला जात आहे. काही इतिहासकारांनी दावा केला आहे की छत्रपती शिवाजी महाराजांनी अफजल खानाचा वध केल्यानंतर, खानाच्या वकिलाने म्हणजेच कृष्णाजी भास्कर कुलकर्णी याने शिवाजी महाराजांच्या मस्तकावर तलवारीने वार केला होता. मात्र जिरेटोपामुळे राजे बचावले. मात्र महाराजांच्या कपाळावर मोठी जखम झाली. ही खुण त्यांच्या मस्तकावर होती. दुसऱ्या बाजूला, अनेक इतिहासकारांनी हे दावे फेटाळले आहेत. दरम्यान, अशीच एक खुण जयदीप आपटेने बनवलेल्या पुतळ्यावरही होती. त्यामुळे आपटे याने जाणून बुजून हा प्रकार केला होता का? असा प्रश्न उपस्थित केला जात आहे.

कोण आहे जयदीप आपटे?

जयदीप आपटे हा २५ वर्षे वयाचा तरुण शिल्पकार आहे. तो मूळचा कल्याण येथील रहिवासी आहे. जयदीप आपटेकडे २८ फुटांचा तांब्याचा पुतळा उभारण्याची जबाबदारी नौदलाने सोपवली होती. जयदीप आपटेने जून ते डिसेंबर अशा सात महिन्यांच्या कालावधीत हा पुतळा पूर्ण केला होता.

Amol Mitkari
अमोल मिटकरी यांची एक्सवरील पोस्ट (PC : Amol Mitkari/X)

हे ही वाचा >> Ajit Pawar : “राज्यातील १३ कोटी जनतेची माफी मागतो”, शिवरायांचा पुतळा कोसळल्याप्रकरणी अजित पवारांची प्रतिक्रिया

अमोल मिटकरींची आणखी एक पोस्ट

आमदार मिटकरी (Amol Mitkari) यांनी एक्सवर आणखी एक पोस्ट केली आहे. या पोस्टमध्ये त्यांनी म्हटलं आहे की “महाराज माफ करा कुण्या तोंडानं माफी मागावी? महाराष्ट्राचा इतिहास ज्या नावाने दैदीप्यमान बनवलाय त्याच राजांचा पुतळा असा कोलमडून पडावा? आणखी मोठा पुतळा उभारताय, मात्र ज्याला कंत्राट दिलं त्याची गुणवत्ता का तपासली नाही? हे चित्र वेदनादायी व असह्य आहे. कुण्या तोंडाने माफी मागावी.”