राहाता : उद्योगपती मुकेश अंबानी यांचे चिरंजीव अनंत अंबानी यांनी आज सोमवारी दीपावलीच्या मुहूर्तावर साईबाबांच्या समाधीचे दर्शन घेतले. या वेळी यांनी १ कोटी ५१ लाख रुपये देणगी साईचरणी अर्पण केली. हा देणगीचा धनादेश संस्थानच्या मुख्य कार्यकारी अधिकारी यांच्याकडे सुपूर्त केला. उद्योगपती अंबानींचे सर्व कुटुंब हे साईभक्त असून नेहमी साई दर्शनाला येत असतात. यापूर्वीही नीता अंबानी यांनी शिर्डीला भेट देऊन साई संस्थानला वेगवेगळय़ा स्वरूपात देणगी दिली आहे. आता अनंत अंबानी यांनी आज सोमवारी दीपावलीच्या शुभ मुहूर्तावर शिर्डीत येऊन साईबाबांच्या समाधीचे दर्शन घेतले. या वेळी संस्थानच्या मुख्य कार्यकारी अधिकारी भाग्यश्री बाणायत उपस्थित होत्या. उद्योगपती अनंत अंबानी यांनी श्री साईबाबांच्या समाधीचे दर्शन घेतल्यानंतर त्यांचा सत्कार करण्यात आला.
