“मी संन्यास घ्यायला तयार, पण तुम्ही दोषी आढळलात तर…”, दमानियांचा अजित पवारांना इशारा; म्हणाल्या, “त्यांना अक्षरशः…”

सामाजिक कार्यकर्त्या अंजली दमानिया यांनी पोलिसांना उपमुख्यमंत्री अजित पवारांचा फोन जप्त करून त्याची तपासणी करण्याची मागणी केली आहे. तसेच याप्रकरणी अजित पवारांची नार्को टेस्ट करण्याची मागणी केली आहे. यावर अजित पवार म्हणाले, “मी नार्को टेस्ट देईन, पण मी त्यात दोषी आढळलो नाही तर अंजली दमानिया यांनी सामाजिक जीवनातून संन्यास घ्यावा. दमानिया यांची घरी बसण्याची तयारी आहे का?”

आणखी वाचा

चिंचवड : अजित पवारांच्या पक्षातून बंडखोरी; ‘या’ नेत्याने केला अपक्ष लढण्याचा निर्धार

Bigg Boss Marathi 5: सर्व एलिमिनेटेड सदस्यांची घरात…

सुप्रिया सुळेंचा अजित पवारांना टोला… म्हणाल्या, “पिंपरी- चिंचवडचा कारभारी वेगळा होता म्हणून…”

Laxman Hake : “शरद पवार हे महाजातीयवादी नेते”, आरक्षणाच्या मुद्द्यावरून लक्ष्मण हाके यांची टीका; म्हणाले, “पवार कुटुंबातील व्यक्ती…”

मुखत्यारनाम्यासंबंधी आरोप निराधार; कल्याणी समूहाचे स्पष्टीकरण, कायदेशीर मार्गाने उत्तर देण्याचेही प्रतिपादन

Anna Hazare : “मी त्यांना आधीच सांगितलेलं…”, केजरीवालांच्या राजीनाम्याच्या निर्णयावर अण्णा हजारेंची पहिली प्रतिक्रिया

कल्याण डोंबिवली पालिकेतील दोन अभियंत्यांना आयुक्तांची कारणे दाखवा नोटिस, मलवाहिन्या सफाई कामातील ठेकेदाराच्या कामात त्रुटींकडे दुर्लक्ष

विश्लेषण : गडचिरोलीतील दोन भावंडांच्या मृत्यूची चर्चा का? अंधश्रद्धेमुळे मृत्यू झाल्याचा संशय?

अजित पवार यांच्या या आव्हानावर अंजली दमानिया यांनी प्रतिक्रिया दिली आहे. अंजली दमानिया अजित पवारांना उद्देशून म्हणाल्या, “मी तुमचं आव्हान स्वीकारलेलं आहे. त्यामुळे तुम्ही आता ताबडतोब तुमची नार्को टेस्ट करून घ्या. त्या नार्को टेस्टमध्ये तुम्ही दोषी आढळलात तर काय करणार? हे देखील सांगा. तुम्ही जर त्या नार्को टेस्टमध्ये दोषी आढळला नाहीत तर मी सामाजिक आणि राजकीय जीवनातून संन्यास घेईन. तिथून पुढे कोणत्याही सामाजिक गोष्टीत सहभागी होणार नाही किंवा त्यावर बोलणार नाही. परंतु, तुमची नार्को टेस्ट करण्यासाठी पोलीस जी प्रश्नावली वापरणार की प्रश्नावली मी लिहून देणार.”

हे ही वाचा >> “सहा महिन्यांनी मोठा राजकीय भूकंप होणार”, पंतप्रधान मोदींचं वक्तव्य; नेमकं काय म्हणाले?

दमानिया अजित पवारांना उद्देशून म्हणाल्या, “तुम्ही आणि तुमचे कार्यकर्ते माझ्याबद्दल जे काही बोललात, सुपारी घेणाऱ्या… रिचार्ज करून घेणाऱ्या… वगैरे, त्यानंतर मी तुम्हाला आणि तुमच्या लोकांना माझी माफी मागण्यासाठी २४ तासांची मुदत दिली होती. ती मुदत आता संपली आहे. मात्र तुमच्यापैकी कोणीही माझी माफी मागितलेली नाही. यावर आता मी अक्षरशाः तुमच्या विरोधात लढाई लढणार आहे. शक्य त्या सर्व कायदेशीर मार्गांनी मी तुमच्या विरोधात लढाई लढेन. माझ्या वक्तव्यानंतर तुमच्या पक्षातील पदाधिकारी सुरज चव्हाण, अमोल मिटकरी, उमेश पाटील हे तिघे जे काही बोलले ते चुकीचं होतं. मुळात त्यांची डोकी तेवढीच चालणार. आम्ही आमच्या नेत्यासाठी किती लढतो हे दाखवण्याचा ते प्रयत्न करत राहणार.” अंजली दमानिया या टीव्ही ९ मराठीशी बोलत होत्या.