गाव केंद्रस्थानी ठेऊन विकासाची अर्थनिती बदलू शकते हा विचार पश्चिम बंगालच्या मुख्यमंत्री ममता बॅनर्जी करीत असल्याने त्यांच्या पक्षाला आपण पाठिंबा देणार असल्याचे ज्येष्ठ समाजसेवक अण्णा हजारे यांनी गुरूवारी राळेगणसिद्घी येथे पत्रकारांशी बोलताना सांगितले. येत्या दि. १८ ला ममता बॅनर्जी व हजारे यांच्यात दिल्लीत बैठक होणार असून या बैठकीत पुढील रणनिती ठरविण्यात येणार आहे. तृणमूल काँग्रेसचे सरचिटणीस मुकूल रॉय, खासदार के. डी. सिंग यांनी गुरूवारी राळेगणसिद्घीत हजारे यांची भेट घेऊन तृणमूल काँग्रेसच्या पाठिंब्यासंदर्भात चर्चा केली.