सुरेश वाडकर यांना अटकपूर्व जामीन

 देवळाली कॅम्प येथील कोटय़वधी रुपयांच्या जमीन व्यवहारासंदर्भात येथील भद्रकाली पोलीस ठाण्यात दाखल झालेल्या गुन्ह्यात शुक्रवारी न्यायालयाने प्रसिध्द गायक सुरेश वाडकर यांना १५ हजार रुपयांच्या जात मुचलक्यावर अटकपूर्व जामीन मंजूर केला. देवळाली कॅम्प येथील जमीन खरेदीचे हे प्रकरण मागील काही वर्षांपासून गाजत आहे. न्यायालयीन वाद प्रलंबित असताना वाडकर यांनी भागीदाराला विश्वासात न घेता मूळ मालकाकडून परस्पर जमिनीचा व्यवहार केल्या प्रकरणी गुन्हा दाखल करण्यात आला आहे.