मुलीच्या छेडछाडीतून कुटुंबावर हल्ला; दोन गंभीर भूम तालुक्यातील बावी येथील प्रकार; गाव बंद ठेवून निषेध

यातील चार आरोपींना अटक केली असून, एक जण पसार असल्याची माहिती उपनिरीक्षक वर्षा साबळे यांनी दिली. उभे कुटुंबाच्यासमोरून जाताना बाबा काळे हा दुचाकीवरून जात असताना आवाज करत जात येत असे. तसेच अश्लील हावभावही करत होता. शिवाय अनेकदा छेडछाडीचे प्रकारही केले होते. त्याविषयी सांगून गावच्या सरपंचांनीही वाद मिटवला होता. त्यानंतरही आरोपी बाबा काळे याच्याकडून छेडछाड सुरूच होती. त्याचाच जाब भागवत उभे यांनी विचारला असता आरोपींनी उभे कुटुंबीय अंगणात बसलेले असताना हातातील लोखंडी गजाने हल्ला केला. बाबा काळे व विजय काळे यांनी जीवे मारण्याची धमकी दिली. घरातील मोठा भाऊ अशोक यासही गजाने मारहाण केली. यात तक्रारदाराची आई इंदुबाई व पत्नी चंदा उभे यांनाही विजय काळे व मोनिका बाबा काळे लाथा बुक्क्याने मारहाण केली. घटनेतील जखमी अशोक राजेंद्र उभे व त्यांची आई इंदुबाई उभे यांना उपचारासाठी धाराशिव येथे हलवण्यात आले आहे.