रत्नागिरी : रत्नागिरी तालुका महाराष्ट्र नवनिर्माण सेनेचे तालुकाध्यक्ष रुपेश जाधव यांच्यावर मंगळवारी रात्री नऊ वाजण्याच्या सुमारास शहरातील गोडबोले स्टॉपनजिक हल्ला करण्यात आला आहे. त्यांना जिल्हा रुग्णालयात उपचारासाठी दाखल करण्यात आले आहे.
महाराष्ट्र नवनिर्माण सेनेचे तालुकाध्यक्ष रुपेश जाधव यांच्यावर झालेला हा हल्ला पक्षांतर्गत वादातून झाला असावा अशी चर्चा सदया रत्नागिरीत सुरु आहे. या हल्ल्यात पक्षातीलच एका नेत्याचा हात असल्याचा आरोप रुपेश जाधव यांनी केला आहे. दरम्यान या प्रकाराने रत्नागिरी शहरात खळबळ उडाली आहे. मनसे तालुकाध्यक्ष रुपेश जाधव हे मंगळवारी आपल्या गोडबोले स्टॉप येथील कार्यालयात बसले होते. रात्री नऊ वाजता कार्यालय बंद करुन ते बाहेर पडले.
यावेळी मागून येणाऱ्या चार ते पाच जणांनी त्यांच्यावर लाठ्या काठ्या घेऊन हल्ला केला. यावेळी रुपेश जाधव यांना या लोकांकडून बेदम मारहाण करण्यात आली. मारहाण केल्यानंतर हल्लेखोर पळून गेले. जखमी अवस्थेत रुपेश जाधव यांना तातडीने जिल्हा रुग्णालयात दाखल करण्यात आले.
हे ही वाचा…Maharashtra News Live : मविआचं मुख्यमंत्रिपदाचं घोडं कुठे अडलंय? शरद पवारांनी स्पष्टच सांगितलं
यावेळी त्यांची प्राथमिक तपासणी करण्यात आली. पक्षातील एका वरिष्ठ नेत्याच्या सांगण्यावरुन हा हल्ला केला गेला असल्याचा आरोप जखमी रुपेश जाधव यांनी केल्याने एकच खळबळ उडाली आहे. याप्रकरणी रत्नागिरी पोलीस ठाण्यात खबर देण्यात आली असून हल्लेखोरांवर गुन्हा दाखल करण्याचे काम रात्री उशिरा गुन्हा दाखल करण्यात आला..
