पोलीस कर्मचार्‍याचा अपघाती मृत्यू, बँकेने कुटुंबीयांना दिले विम्याचे ३० लाख

गत ६ जून रोजी पडेगाव टोलनाक्याजवळ अनिल शिंदे यांच्या दुचाकीचा अपघात झाला होता. यात शिंदे यांचा मृत्यू झाला. दरम्यान अॅक्सिस बॅंकेच्या मोफत अपघाती विमा योजनेची माहिती दिवंगत शिंदे यांच्या पत्नी सुनीता शिंदे यांना माहिती मिळाल्यामुळे त्यांनी बॅंकेकडे अर्ज केला होता. त्यानुसार आयुक्त चिरंजीवप्रसाद यांच्या हस्ते ३० लाखांचा धनादेश सुनीता शिंदे यांना प्रदान करण्यात आला. यावेळी बॅंकेचे विभागीय प्रमुख नितीन चालसे सहाय्यक पोलीस निरीक्षक घन्नशाम सोनवणे, पोलीस कर्मचारी अविनाश जोशी, बॅंकेचे सुदर्शन कोलते, मनोज कुलकर्णी आदींची उपस्थिती होती.