“शरद पवारांचं बोलणं आणि प्रत्यक्ष कृती…”, युतीत सामील होण्याच्या चर्चेवर बच्चू कडूंचं मोठं विधान

शरद पवारांच्या या स्पष्टीकरणानंतर शिंदे गटाचे समर्थक आणि प्रहार जनशक्ती संघटनेचे आमदार बच्चू कडू यांनी मोठं विधान केलं आहे. शरद पवारांचं बोलणं आणि त्यांची प्रत्यक्ष कृती यामध्ये यामध्ये न समजणाऱ्या गोष्टी आहेत. ते जे बोलतात ते कधीच करत नाहीत आणि जे करतात ते बोलत नाहीत, असं विधान बच्चू कडू यांनी केलं. ते अमरावती येथे प्रसारमाध्यमांशी संवाद साधत होते.

आणखी वाचा

महिलांवरील वाढत्या अत्याचाराबाबत शरद पवारांचे मोठे वक्तव्य, म्हणाले…

“आम्ही अमिताभ बच्चन यांना आणून राजेश खन्नाचे करिअर…

Jayant Patil : “एका मोठ्या नेत्याने पक्षात येण्याची इच्छा व्यक्त केली”, जयंत पाटलांचं येवल्यात विधान; इच्छा व्यक्त करणारा नेता कोण? चर्चांना उधाण

अजित पवारांच्या एक्झिटसाठी चक्रव्यूह? भाजप-शिंदे गटाकडून आक्रमक रणनीती

कृषीमंत्री धनंजय मुंडे यांच्या विरोधात सर्वपक्षीय ‘शेतकरी संघर्ष कृती समिती’ची मोट

वादग्रस्त वक्तव्याचे प्रकरण: जितेंद्र आव्हाडांविरोधात गुन्हा नोंदवण्याच्या मागणीचा पुनर्विचार करा,उच्च न्यायालयाचे ठाणे न्यायदंडाधिकाऱ्यांना आदेश

वडेट्टीवारांना घेरण्याचे काँग्रेसमधूनच प्रयत्न सुरू

Ajit Pawar : अजित पवारांच्या राष्ट्रवादीत विदर्भात धुसफूस, ‘हे’ आहे कारण

हेही वाचा- “अजित पवारांना मुळीच मुख्यमंत्री केलं जाणार नाही”, काँग्रेसच्या माजी खासदाराचं मोठं विधान

राष्ट्रवादी काँग्रेस पक्षाच्या फुटीवर भाष्य करताना बच्चू कडू म्हणाले, “एकंदरीत आपण चित्र पाहिलं तर राष्ट्रवादी काँग्रेस पक्षच संभ्रमात आहे. कारण खूप अनिश्चितता आहे. नेमक्या कृतीवर कुणीच येत नाहीये. अजित पवार पक्षातून फुटून बाहेर गेल्यानंतर त्यांना ज्याप्रकारे विरोध व्हायला पाहिजे होता, तसा विरोध होताना दिसत नाही. अजित पवार गटाकडून शरद पवारांचा फोटो बॅनरवर लावला जात आहे. या सर्व बाबींमुळे संभ्रम निर्माण होत आहे. पण शरद पवारही अजित पवारांबरोबर आले, तर महायुती अधिक मजबूत होईल.”

हेही वाचा- “…तर आम्ही भाजपाच्या चिन्हावर निवडणूक लढवू”, शिंदे गटाच्या नेत्याचं मोठं विधान

अजित पवारांच्या भेटीबाबत शरद पवारांनी दिलेल्या स्पष्टीकरणाबद्दल विचारलं असता बच्चू कडू पुढे म्हणाले, “मला वाटतं की, शरद पवारांचं बोलणं आणि त्यांची प्रत्यक्षातील कृती यामध्ये न समजणाऱ्या गोष्टी आहेत. आपल्या सर्वांना माहीत आहे, शरद पवार जे बोलतात, ते कधी करत नाहीत आणि जे करतात ते कधी बोलत नाहीत. असा एकंदरीत त्यांच्या राजकीय कारकीर्दीतील अनुभव आहे. त्यामुळे शरद पवारांच्या स्पष्टीकरणातून काय समजावं? हे सांगता येत नाही.”