सत्यजीत तांबे काँग्रेसमध्ये परतणार? बाळासाहेब थोरात म्हणाले, “तुला काँग्रेसशिवाय करमणार नाही आणि आम्हाला…”

काँग्रेसचे ज्येष्ठ नेते बाळासाहेब थोरात यांचे काल सायंकाळी संगमनेर येथे आगमन झाले. बाळासाहेब थोरात हे सत्यजीत तांबे यांच्यासह संगमनेरमध्ये आले असताना कार्यकर्त्यांनी जल्लोषात त्यांचे स्वागत केले. यावेळी संपन्न झालेल्या जाहीर सभेत थोरात यांनी चौफेर टोलेबाजी केली. नाशिक पदवीधर निवडणूक, त्यानंतर काँग्रेस प्रदेशाध्यक्षांशी झालेला संघर्ष, राजीनामा नाट्य या सर्व विषयांवर थोरात यांनी भाष्य केले. तसेच आपला भाचा सत्यजित तांबेबद्दलही ते मन मोकळं करुन बोलले. यावेळी त्यांनी केलेल्या एका सूचक वक्तव्यामुळे सत्यजीत हे काँग्रेसमध्ये पुनरागमन करणार का? असा प्रश्न उपस्थित झाला आहे.