अलिबाग : मुंबई गोवा महामार्गाच्या कामाला गती देता यावी यासाठी आजपासून (२७ ऑगस्ट) गणेशोत्सव संपेपर्यंत मुंबई गोवा महामार्गावरील अवजड वाहतूक बंद ठेवण्यात येणार आहे. वाहतूक पोलिसांकडून याबाबतची अधिसूचना जारी करण्यात आली आहे. जीवनावश्यक वस्तूंची वाहतूक करणाऱ्या वाहनांना यातून सूट देण्यात आली आहे.
मुंबई गोवा महामार्गाचे काम सध्या सुरू आहे. या कामाला गती देता यावी यासाठी हा महत्त्वपूर्ण निर्णय घेण्यात आला. रस्त्याचे काम सुरू असल्याने सध्या एका मार्गिकेतून वाहतूक सुरू आहे. या ठिकाणी अवजड वाहनामुळे सातत्याने वाहतूक कोंडी निर्माण होत असल्याचे दिसून आले आहे. त्यामुळे महामार्गावरील वाहतूक नियंत्रित करण्यात यावी, अशी मागणी महामार्ग प्राधिकरणाने केली होती. त्यानुसार याबाबतची अधिसूचना जारी करण्यात आली. त्याचबरोबर गणेशोत्सव काळात कोकणात जाणाऱ्या प्रवाशांची संख्या मोठी असते, त्यांचा प्रवास सुरक्षित आणि निर्विघ्न व्हावा या दृष्टीनेही हा निर्णय घेण्यात आला.
हेही वाचा >>>लवकरच चंद्रावर घरे देण्याचे आश्वासनही देतील; उद्धव ठाकरे यांची भाजप सरकारवर टीका
१६ टनांपेक्षा जास्त क्षमता असलेल्या ट्रक, मल्टिएक्सल, ट्रेलर यांना ही बंदी लागू असणार आहे. २७ ऑगस्ट २०२३ ते २८ सप्टेंबर २०२३ या कालावधीसाठी मुंबई-गोवा महामार्गावर हे बंदी आदेश लागू राहणार आहेत. या कालावधीत अवजड वाहतूक ही पर्यायी मार्गानी वळवली जाणार आहे. पोलीस उप आयुक्त वाहतूक तिरुपती काकडे यांनी याबाबतचे आदेश जारी केले आहेत.
पर्यायी मार्ग कोणता?
पळस्पे फाटा तसेच कोन फाटा येथून मुंबई पुणे द्रुतगती महामार्गाचा वापर करून, खालापूर येथून पाली वाकणमार्गे अवजड वाहतूक वळविण्यात येणार आहे.
मुंबई गोवा महामार्गाचे काम सध्या सुरू आहे. या कामाला गती देता यावी यासाठी हा महत्त्वपूर्ण निर्णय घेण्यात आला. रस्त्याचे काम सुरू असल्याने सध्या एका मार्गिकेतून वाहतूक सुरू आहे. या ठिकाणी अवजड वाहनामुळे सातत्याने वाहतूक कोंडी निर्माण होत असल्याचे दिसून आले आहे. त्यामुळे महामार्गावरील वाहतूक नियंत्रित करण्यात यावी, अशी मागणी महामार्ग प्राधिकरणाने केली होती. त्यानुसार याबाबतची अधिसूचना जारी करण्यात आली. त्याचबरोबर गणेशोत्सव काळात कोकणात जाणाऱ्या प्रवाशांची संख्या मोठी असते, त्यांचा प्रवास सुरक्षित आणि निर्विघ्न व्हावा या दृष्टीनेही हा निर्णय घेण्यात आला.
हेही वाचा >>>लवकरच चंद्रावर घरे देण्याचे आश्वासनही देतील; उद्धव ठाकरे यांची भाजप सरकारवर टीका
१६ टनांपेक्षा जास्त क्षमता असलेल्या ट्रक, मल्टिएक्सल, ट्रेलर यांना ही बंदी लागू असणार आहे. २७ ऑगस्ट २०२३ ते २८ सप्टेंबर २०२३ या कालावधीसाठी मुंबई-गोवा महामार्गावर हे बंदी आदेश लागू राहणार आहेत. या कालावधीत अवजड वाहतूक ही पर्यायी मार्गानी वळवली जाणार आहे. पोलीस उप आयुक्त वाहतूक तिरुपती काकडे यांनी याबाबतचे आदेश जारी केले आहेत.
पर्यायी मार्ग कोणता?
पळस्पे फाटा तसेच कोन फाटा येथून मुंबई पुणे द्रुतगती महामार्गाचा वापर करून, खालापूर येथून पाली वाकणमार्गे अवजड वाहतूक वळविण्यात येणार आहे.
