उच्च न्यायालयाचे खंडपीठ कोल्हापुरातच व्हावे, पुण्यासाठीचा अशासकीय ठराव अनावधानाने : आ. विश्वजित कदम

कोल्हापूरला खंडपीठ व्हावे ही संपूर्ण पश्चिम महाराष्ट्राची जनभावना आहे आणि आपण त्या जनभावने सोबतच आहोत. कोल्हापूर येथे खंडपीठ झाले तर ते सांगली, सातारा, कोल्हापूरसह पश्चिम महाराष्ट्रातील जिल्ह्यांच्यासाठी उपयुक्त होणार आहे याबद्दल माझ्या मनात शंका नाही. सांगली सह पश्चिम महाराष्ट्रातील विविध शिष्टमंडळांना मी व्यक्तिशः देखील याबाबतीत भेटी दरम्यान आश्वस्त केलेले आहे. त्यामुळे कोल्हापूर खंडपीठ व्हावे याबद्दल माझा आजिबात विरोध नाही आणि याप्रश्री महाराष्ट्र शासनाकडे ही भूमिका मी पुढाकाराने मांडण्यास मागे राहणार नाही.

आणखी वाचा

नवी मुंबईतील दौऱ्यात अमित शहांची ‘संघ’वारी

४ ऑक्टोबर पंचांग: मेष, वृषभसह ‘या’ राशींवर देवी…

सोलापूर : अल्पवयीन मुलीवर अत्याचार; आरोपीस २० वर्षे सक्तमजुरी

निसर्ग आणि पर्यटन डोळ्यासमोर ठेवून कोकणात काम करायला आवडेल – मंत्री दीपक केसरकर

धाराशिव : ओबीसीतूनच आरक्षण द्या! जरांगे पाटील यांच्या समर्थनार्थ बंदला प्रतिसाद

नागपूरचा प्रकल्प गुजरातला जाणार हे वडेट्टीवार यांना कोणत्या सुत्रांनी सांगितले? उद्योगमंत्री उदय सामंत यांचा सवाल

Marathwada Liberation Day : मुक्तिसंग्रामानंतरची मराठवाड्याची मानसिक गुंतागुंत!

मालवणमध्ये शिवसृष्टी उभारावी, शालेय शिक्षण मंत्री दीपक केसरकर यांनी मुख्यमंत्र्यांकडे मागणी

हेही वाचा : सांगली: नूतन खासदारांकडून आढावा बैठकीत अधिकाऱ्यांची झाडाझडती

खंडपीठाच्या बाबतीतील प्रामाणिक भूमिकेतून मी अशासकीय ठराव आणला होता. मात्र अनवधानाने त्यात चुकीचा उल्लेख आहे. या विषयावर सभागृहात कामकाज झालेले नाही. कोल्हापूर खंडपीठ प्रयत्नांना खीळ बसू नये म्हणून आपण सोमवारीच तसे पत्र अध्यक्ष महोदयांना देणार आहोत. त्यामुळे या चळवळीत कार्यरत असणाऱ्या वकील, पक्षकार आणि सर्वसामान्य जनतेने विचलित न होता आपले प्रयत्न सुरू ठेवावेत. त्यांच्या प्रयत्नांना यश यावे म्हणून जी काही जबाबदारी आपणास पार पाडावी लागेल ती निःसंकोचपणाने पार पाडण्यात मी मागे राहणार नाही. आपल्या भूमिकेत कोल्हापूर मागणीला छेद देण्याचा हेतू नव्हता आणि हा विषय प्रलंबित रहावा अशी आपली भूमिका कधीही नव्हती. त्यामुळे नजीकच्या काळात मुख्यमंत्री आणि राज्य शासनासह उच्च न्यायालयाने इथल्या जनतेच्या भूमिकेला मान देऊन तातडीने कोल्हापूर खंडपीठ स्थापन करावे, त्यासाठी उपयुक्त सर्व सुविधा कोल्हापूर शहरात आहेत, इथल्या संपन्न प्रदेशात होणाऱ्या खंडपीठाने न्याय विनाविलंब मिळण्यास मदत मिळेल आणि मुंबईत जाण्यापासून राहण्या खाण्यापर्यंतच्या खर्चाची बचत होईल. ही बाब या भागाचा लोकप्रतीनिधी म्हणून मी शासनाच्या निदर्शनास आणून देऊन यावर निर्णयासाठी सक्रिय सहभागीराहीन. कोणीही गैरसमज करून घेऊ नये.