“ज्यांच्यात नाही दम, ते रामदास कदम”, भास्कर जाधव यांचा टोला, म्हणाले, “बेडूक…”

ज्या गोळीबार मैदानात उद्धव ठाकरेंची सभा झाली होती, तिथेच एकनाथ शिंदेंची सभा पार पडणार आहे. सभेसाठी दोन दिवसांपासून गोळीबार मैदानावर जय्यत तयारी सुरू आहे. अशात खेडमधील रामदास कदमांच्या बॅनरने चर्चांना उधाण आलं आहे. ‘विरोधकांच्या मनात नुसती आग कारण मैदानात उतरला आहे, ढाण्या वाघ,’ ‘करार जबाब मिलेगा’, अशा आशयाचे बॅनर लावण्यात आले आहेत. यावरून आमदार भास्कर जाधव यांनी रामदास कदमांची खिल्ली उडवत टोले लगावले आहेत.

आणखी वाचा

Video: महाराष्ट्रात वाढताहेत काळे बिबट…

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

‘त्या’ युवराजाला जनता कंटाळली, आता हा ‘राज’पुत्र काय करणार?, सदा सरवणकरांच्या मुलीची दोन्ही ठाकरेंवर जोरदार टीका

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

IND vs SA: “आता उभा राहून मजा बघ…”, हार्दिक पंड्याला मोठेपणा करणं पडलं भारी, अर्शदीपला बोललेल्या वाक्यानंतर होतोय ट्रोल

‘संकटात सगळ्यांचे नशीब साथ देत नाही…’ तरसाच्या कळपाने केला सिंहावर हल्ला करण्याचा प्रयत्न… पुढे जे घडलं; VIDEO पाहून उडेल थरकाप

चिंचवड: वाघ गेला, ही वाघीण पिल्लांना एकटं पडू देणार नाही; आमदार आश्विनी जगताप कुणाला उद्देशून म्हणाल्या?

हेही वाचा : “भाजपाला आमची गरज नसेल, तर…”, महादेव जानकर यांचा इशारा

“रामदास कदम हे एका मतदारसंघापुरते मर्यादित”

‘टीव्ही ९ मराठी’शी बोलताना भास्कर जाधव म्हणाले, “ज्यांच्यात नाही दम ते रामदास कदम. करारा जबाब देण्यासाठी तुमच्यात दम असायला लागतो. २००९ साली रामदास कदमांची पराभव मी नाहीतर उद्धव ठाकरेंची केल्याचा आरोप ते करत आहेत. दुसरं, योगेश कदमांची राजकीय कारकीर्द संपण्यासाठी उद्धव ठाकरेंची कट रचल्याचा आरोप रामदास कदमांनी केला. पण, रामदास कदम हे एका मतदारसंघापुरते मर्यादीत आहेत. हे काय करारा जबाब देणार.”

“निवडणुकीवेळी लोक हळूच टाचणी लावून…”

“त्यामुळे बेडूक कितीही फुगला तरीसुद्धा ती काय डोंगर किंवा बैल होऊ शकत नाहीत. रामदास कदम नावाची बेडूक किंवा शिंदे गट कोकणात बोलून फुगेल. निवडणुकीवेळी लोक हळूच टाचणी लावून हा फुगा फोडलीत,” असं टीकास्र भास्कर जाधव यांनी डागलं आहे.

हेही वाचा : “आम्ही देऊ ती पदं घेऊन गप्प बसा असं…”, सरन्यायाधीश चंद्रचूड यांच्या भूमिकेवरून संजय राऊतांचा केंद्रावर हल्लाबोल!

“भास्कर जाधवांना आमदार होऊ देणार नाही”

दरम्यान, काल ( १८ मार्च ) रामदास कदमांनी भास्कर जाधवांना आव्हान दिलं होतं. “२०२४ ला भास्कर जाधवांनी आमदार होऊन दाखवावं. काहीही झालं तरी भास्कर जाधवांना आमदार होऊ देणार नाही. भास्कर जाधवांना राजकारणातून गाडल्याशिवाय राहणार नाही,” असा इशारा रामदास कदम यांनी दिला होता.