Bhimrao Dhonde : भाजपाचे बंडखोर अपक्ष उमेदवार भीमराव धोंडे चक्क स्वतःचं चिन्ह विसरले; भर सभेत म्हणाले ‘तुतारी’ वाजवा; नेमकं काय घडलं?

माजी आमदार भीमराव धोंडे हे आष्टी विधानसभा मतदारसंघामधून निवडणूक लढवत आहेत. त्यांच्या विरोधात महायुतीकडून भारतीय जनता पक्षाचे नेते सुरेश धस आणि महाविकास आघाडीकडून राष्ट्रवादी काँग्रेस (शरद पवार) पक्षाचे नेते मेहबूब शेख हे निवडणुकीच्या मैदानात आहेत. त्यामुळे आष्टी विधानसभा मतदारसंघात तिरंगी लढत पाहायला मिळणार आहे. त्यामुळे या ठिकाणी चांगलंच राजकारण तापलं आहे. तीनही नेत्यांकडून प्रचाराच्या सभांचा धडाका सुरु आहे. पण असं असतानाच भीमराव धोंडे यांनी एका सभेत बोलताना केलेल्या एका आवाहनामुळे राजकीय वर्तुळात चांगलीच चर्चा रंगली आहे. झालं असं की, भीमराव धोंडे हे एका सभेत बोलत असताना चक्क आपलं शिट्टी हे चिन्हच विसरले आणि त्यांनी तुतारी वाजविण्याचं आवाहन केलं. त्यांच्या या विधानामुळे भर सभेत मोठा हशा पिकला. पण चूक लक्षात येताच त्यांनी सारवासारव करण्याचा प्रयत्न केला.

आणखी वाचा

“लोकसभेला साहेबांना खूश केलं, आता विधानसभेला मला खूश करा”; अजित पवारांचं बारामतीकरांना आवाहन!

Madhurima Raje : सतेज पाटील ज्यांच्यामुळे ढसाढसा रडले…

“मी शिवाजी तर, अब्दुल सत्तार औरंगजेब”; रावसाहेब दानवेंचं विधान!

Jayant Patil : ‘सिंचन घोटाळ्यावरून अजित पवारांना १० वर्षे ब्लॅकमेल केलं’; त्यांची भाजपाबरोबर जाण्याची इच्छा का होती? जयंत पाटलांचा मोठा दावा

“एक वेळ अशी होती की…”, कार्तिक आर्यनने सांगितली संघर्षाच्या काळातील आठवण; म्हणाला…

Maharashtra Polls : भाजपाच्या ‘या’ १७ जणांनी राष्ट्रवादी काँग्रेस आणि शिवसेनेतून मिळवलं तिकिट, वाटीतलं ताटात आणि ताटातलं वाटीत!

Zeeshan Siddique : “मविआने मला शब्द दिला होता आणि उद्धव ठाकरेंनी..”; झिशान सिद्दिकी काय म्हणाले?

Nawab Malik : नवाब मलिकांचा भाजपा नेत्यांना इशारा; म्हणाले, “दाऊदशी संबंध जोडणाऱ्यांविरोधात…”

हेही वाचा : Sadabhau Khot : शरद पवारांवर केलेल्या वक्तव्यावरून सदभाऊ खोतांनी व्यक्त केली दिलगिरी; पण म्हणाले, “शेतकरी आणि गावगड्यांची होरपळ…”

नेमकी काय घडलं?

आष्टी विधानसभा मतदारसंघातील एका सभेत भीमराव धोंडे बोलत होते. यावेळी ते म्हणाले की, आता निवडणुकीच्या प्रचारासाठी आणखी १५ दिवस राहिले आहेत. त्यामुळे गावागावात फेऱ्या काढायच्या आणि कसल्याही परिस्थितीत आपल्याला तुतारी वाजवायची म्हणजे वाजवायची, असं म्हणताच सभेत मोठा हशा पिकला. मात्र, आधी नेमकं काय झालं हे त्यांच्या लक्षात आलं नाही. पण सभेत बसलेल्या काही लोकांनी त्यांची चूक लक्षात आणून दिली. त्यानंतर आपण चूकन बोललो, चूकन बोललो, असं म्हणत त्यांनी सारवासारव केली. त्यानंतर ते पुढे म्हणाले, “येथे तुतारी काय वाजत नाही. मी जरी बोललो असतो ना? तरी तुतारी तुम्ही वाजवणार नाहीत. मात्र, आपली शिट्टी वाजवा”, असं भीमराव धोंडे यांनी म्हटलं आहे.

दरम्यान, भीमराव धोंडे यांनी अनेक वर्ष भारतीय जनता पक्षात काम केलं आहे. ते भाजपाचे माजी आमदार देखील आहेत. मात्र, यावेळी राज्याच्या राजकारणात बदलेल्या समीकरणाच्या युती आणि आघाडीच्या राजकारणाचा फटका अनेकांना बसला. कारण अनेकजण उमेदवारीसाठी इच्छुक असतानाही पक्षाकडून उमेदवारी मिळाली नाही. आता आष्टी विधानसभा मतदारसंघात यावेळी भारतीय जनता पक्षाकडून सुरेश धस यांना उमेदवारी मिळाली. त्यामुळे माजी आमदार भीमराव धोंडे हे अपक्ष निवडणुकीच्या मैदानात उतरले आहेत. पण गेली अनेक वर्ष भाजपात राहिल्यामुळे या वर्षीच्या निवडणुकीत अपक्ष उमेदवारी केल्यामुळे भीमराव धोंडे यांना आपलं निवडणुकीचं चिन्ह (शिट्टी) नेमकं कोणतं? हे लक्षात राहिलं नाही आणि त्यांनी भर सभेत ‘तुतारी’ वाजविण्याचं आवाहन केलं. दरम्यान, भीमराव धोंडे यांनी केलेल्या या विधानानंतर राजकीय वर्तुळात अनेक तर्कवितर्कही लावले जात आहेत. भीमराव धोंडे यांनी हे विधान चुकून केलं की मुद्दाम केलं? असे प्रश्नही आता आष्टी विधानसभा मतदारसंघात अनेकांनी उपस्थित केले आहेत.