“मी कुणालाही शुर्पणखा म्हटलेलं नाही, पण…”, चित्रा वाघ यांचा रुपाली चाकणकरांना अप्रत्यक्ष टोला!

चित्रा वाघ यांनी सकाळीच ट्वीट करून राज्यातील वाढत्या महिला अत्याचारांविषयी आपली भूमिका मांडली. “महिलांचे शील भ्रष्ट करणारे रावण राजरोस फिरताहेत पण राज्य महिला आयोगाला अद्याप अध्यक्ष नाही हे लाजिरवाणं आहे. अध्यक्ष लवकर नेमावा पण महिलांच्या क्षेत्रात काम करणारी कोणी अनुभवी मिळत नसेल तर किमान रावणाला मदत करणारी ‘शुर्पणखा’ बसवू नका. अन्यथा प्रत्येकवेळी सरकारचंच नाक कापलं जाईल,” असं चित्रा वाघ यांनी ट्वीटमध्ये म्हटलं. त्यानंतर रुपाली चाकणकर यांनी त्याला उत्तर दिलं.

आणखी वाचा

व्यक्तिवेध: आनंद म्हसवेकर

“लग्नाची बातमी सर्वात आधी राज ठाकरेंना…”, प्रेमाची जाहीर…

Menopause बाबत ‘या’ चांगल्या गोष्टी तुम्हाला माहिती आहेत का? तज्ज्ञांनी केला खुलासा

अग्रलेख : प्रज्ञेचे (अ)प्रस्तुत प्राक्तन!

“आम्ही कुणालाही लग्न करायला वा संन्यासी व्हायला सांगत नाही”, जग्गी वासुदेव यांच्या ‘इशा फाऊंडेशन’चं ‘त्या’ आरोपांवर स्पष्टीकरण!

“तुझ्या बहिणीशी माझे प्रेमसंबंध, आम्ही शारीरिक…” बोलणे ऐकताच भावाने केला मित्राचा खून

“अनुदानाची शाश्वती नाही, लाडकी बहीणसाठी पैसे द्यावे लागतात”, नितीन गडकरींच्या विधानावर फडणवीसांची प्रतिक्रिया, म्हणाले…

स्वभाव – विभाव : लक्ष वेधून घेण्याची धडपड

“रावणाला मदत करणारी शुर्पणखा” या चित्रा वाघ यांच्या टीकेवर रुपाली चाकणकर यांनी दिलं उत्तर; म्हणाल्या…!

चित्रा वाघ यांच्या ट्वीटवर रुपाली चाकणकर यांनी देखील थेट टीका न करता अप्रत्यक्ष शब्दांतच निशाणा साधला आहे. “करोनाच्या पार्श्वभूमीवर खूप मोठे प्रश्न आहेत. आत्ता कुठे राज्यातली जनता सावरतेय. अनेक मोठे प्रश्न असताना इतर क्षुल्लक गोष्टींवर लक्ष द्यायला वेळ नाही. एक जबाबदार नागरीक म्हणून आपली भूमिका निभावणं महत्त्वाचं आहे”, असं रुपाली चाकणकर म्हणाल्या.

मात्र, या सर्व वादावर स्पष्टीकरण देताना चित्रा वाघ यांनी आपण ट्वीटमध्ये रुपाली चाकणकर यांचं नावच घेतलं नव्हतं, असं स्पष्टीकरण दिलं आहे. “अशा ठिकाणी राजकीय महिलांची नियुक्ती साधारणपणे केली जाते. तिथे येणाऱ्या महिलेने शुर्पणखासारखी रावणांना मदत करू नये. मी कुणालाही शुर्पणखा म्हटलेलं नाही. पण कुणी स्वत:च्या अंगाला लावून शुर्पणखा झालं असेल तर मला त्याबद्दल कल्पना नाही”, असं चित्रा वाघ म्हणाल्या आहेत.

रुपाली चाकणकर यांना शुभेच्छा

रुपाली चाकणकर महिला आयोगाच्या अध्यक्षा झाल्या, तर त्यांना विरोध करणारी मी कोण आहे? त्या बसल्या, तर त्यांना शुभेच्छाच आहेत. फक्त जी कुठली महिला येईल, तिने रावणाला साथ देऊ नये, इतकीच अपेक्षा आहे.