‘दिल्लीतल्या दोन नेत्यांना शरद पवारांनी झुलवत ठेवलं’, चंद्रकांत पाटील यांचा आरोप; म्हणाले, “बारामतीत त्यांचा हिशोब…”

दिल्लीतल्या दोन नेत्यांना झुलवत ठेवलं

महाविकास आघाडीच्या ३३ महिन्याच्या काळात महाराष्ट्राचं नुकसान झालं, असे सांगताना चंद्रकांत पाटील पुढे म्हणाले, “शरद पवार यांनी आम्ही तुमच्याबरोबर सरकार स्थान करतोय करतोय असं सांगून संपूर्ण जग ज्यांना मानतं, त्या माझ्या दोन नेत्यांना झुलवत ठेवलं. आज मला शरद पवारांचा हिशोब चुकता करण्याची संधी मिळाली आहे. त्यामुळे अजित पवारांना बरोबर का घेतलं? असे प्रश्न माझ्यासाठी महत्त्वाचे नाहीत. मला फक्त पवारांचा पराभव हवा आहे.”

‘सुप्रिया सुळेंमुळे राष्ट्रवादी आणि आदित्य ठाकरेंमुळे शिवसेनेत फूट’, देवेंद्र फडणवीस यांचं मोठं विधान

देवेंद्र फडणवीस हे औषध सर्वांना लागू पडतं

बारामती मतदारसंघात सध्या महायुतीच्या नेत्यांमध्येच वाद सुरू आहेत, असाही प्रश्न चंद्रकांत पाटील यांना विचारण्यात आला होता. त्यावर ते म्हणाले, देवेंद्र फडणवीस हे औषध सर्वांना लागू पडतं. गेल्या दहा वर्षातला फडणवीस यांचा इतिहास काढून बघा. ते या वादावर लगेचच तोडगा काढतील. हर्षवर्धन पाटील असो किंवा कुणीही असो पुढच्या आठवड्यात सर्व लोक बारामतीत एकत्र फिरताना दिसतील.

चंद्रकांत पाटील करणार अजितदादांचा ‘हिशोब’ चुकता

बारामतीत उमेदवार जाहीर करण्याची गरज काय?

बारामतीमध्ये उमेदवार जाहीर करण्याची गरज उरलेली नाही, असेही ते म्हणाले. पण अधिकृत घोषणेसाठी पक्षपातळीवर काही निर्णय होणे अपेक्षित असतात. दोन-तीन दिवसांत संपूर्ण निर्णय होईल. काल आचारसंहिता जाहीर होत असताना जे वेळापत्रक समोर आलं आहे, त्यातून आता उमेदवारी घोषित करण्यासाठी फार घाई करण्याची आवश्यकता नाही, असे लक्षात आलं आहे. त्यामुळे महाराष्ट्रातील बरेचसे टप्पे मे महिन्यात गेले आहेत, त्यामुळे निवांतपणे उमेदवार जाहीर करू, असे चंद्रकांत पाटील म्हणाले.