“राजकीय पक्षांचे प्रवक्ते सध्या काहीही वक्तव्य करतात”, रावसाहेब दानवेंचा रोख कुणाकडे?

या सर्व घडामोडी संदर्भात भारतीय जनता पक्षाचे नेते, माजी खासदार रावसाहेब दानवे यांनी भाष्य केलं. “सध्या राजकीय पक्षांचे प्रवक्ते काहीही वक्तव्य करत आहेत”, असं रावसाहेब दानवे यांनी म्हटलं आहे. त्यामुळे त्यांच्या या विधानाचा रोख नेमकं कुणाकडे होता? याबाबत आता तर्कवितर्क लावले जात आहेत.

आणखी वाचा

Ajit Pawar : “…तर सरकारलाही अर्थ नाही”, अजित पवार आणि अर्थ खात्यावरून अमोल मिटकरींचा महायुतीलाच टोला

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

“संविधानाची विटंबना करण्याचे धाडस होतेच कसे,” नाना पटोले यांची टीका; म्हणाले…

Ujjwal Nikam On EVM : “आज तुम्ही पराभूत झाल्यामुळे…” उज्ज्वल निकमांनी सांगितले ईव्हीएम विरोधात न्यायालयीन लढ्यासाठी कोणत्या दहा गोष्टी लागणार

मोदी-अदाणीविरोधात काँग्रेस आक्रमक; राहुल गांधींच्या अनोख्य आंदोलनाने वेधले लक्ष

No Confidence Motion : भारताच्या संसदीय इतिहासातील सर्वात मोठी घटना, राज्यसभा सभापतींच्या विरोधात अविश्वास प्रस्ताव

Shiv Sena UBT : “ठाकरेंच्या शिवसेनेला नाकारण्याचा जनतेचा निर्णय किती योग्य, हेच पुन्हा अधोरेखित होतंय”, भाजपा नेत्याची आगपाखड

Video: “सासऱ्यांचाच आग्रह होता की…”, जयंत पाटलांच्या ‘त्या’ मुद्द्यावर देवेंद्र फडणवीसांची मिश्किल टिप्पणी!

हेही वाचा : “दोन ते तीन दिवस थांबा, मोठा पर्दाफाश करणार”, मनोज जरांगेंचं सूचक विधान

रावसाहेब दानवे काय म्हणाले?

“अशा प्रकारची वक्तव्य अनेक नेत्यांकडून सध्याच्या परिस्थितीत होत आहेत. दोन्हीही बाजूने अशा प्रकारची वक्तव्य करणं टाळलं पाहिजे. या राज्यामध्ये हिंसाचार होऊ नये, यासाठी सर्व राजकीय पक्षांनी काम करणं गरजेचं आहे. मात्र, काही राजकीय पक्षाचे नेते किंवा प्रवक्ते अशा प्रकारची विधाने करतात. तसेच शिवसेना ठाकरे गटाकडून तर रोज-रोज अशा प्रकारचे वक्तव्य समोर येत आहेत. त्याचाच हा परिणाम आहे, असं मला वाटतं”, असं रावसाहेब दानवे यांनी म्हटलं.

मनसे विरुद्ध राष्ट्रवादी असा वाद का रंगला?

मनसे अध्यक्ष राज ठाकरे यांनी उपमुख्यमंत्री अजित पवार यांच्यावर पुण्यात बोलताना टीका केली होती. या टीकेला प्रत्युत्तर म्हणून राष्ट्रवादी काँग्रेस पार्टी अजित पवार गटाचे आमदार अमोल मिटकरी यांनी महाराष्ट्र नवनिर्माण सेनेचे अध्यक्ष राज ठाकरे यांच्यावर टीका केली होती. तसेच अमोल मिटकरी यांनी राज ठाकरे यांच्यावर टीका करताना सुपारीबाज असा उल्लेख केला होता. मिटकरी यांनी राज ठाकरेंवर केलेलं हे विधान मनसे कार्यकर्त्यांच्या जिव्हारी लागलं.

यानंतर अकोल्यातील मनसैनिकांनी आमदार अमोल मिटकरी यांच्या गाडीवर हल्ला करत त्यांच्या गाडीची तोडफोड केली. या प्रकरणात काही जणांना अटकही करण्यात आली. यानंतर आमदार अमोल मिटकरी यांनी आपल्यावर झालेल्या हल्ल्याला राज ठाकरे हे जबाबदार असल्याचा आरोप केला होता. तसेच हल्ला करणाऱ्या कार्यकर्त्यांसह राज ठाकरे यांच्यावर कारवाई करण्याची मागणी त्यांनी केली होती. दरम्यान, राज्याच्या राजकारणात सध्या मनसे विरुद्ध राष्ट्रवादी अजित पवार गटाच्या नेत्यांमध्ये आरोप-प्रत्यारोपाचं राजकारण सुरु असून एक प्रकारे मनसे विरुद्ध राष्ट्रवादी अजित पवार गट असा वाद रंगला आहे. यावर आता सत्ताधारी पक्षाचे नेते आणि विरोधी पक्षाचे नेते प्रतिक्रिया देत आहेत. याच पार्श्वभूमीवर बोलताना भारतीय जनता पक्षाचे नेते, माजी खासदार रावसाहेब दानवे यांनीही सूचक विधान केलं आहे.