“भाजपाने पेट्रोल, डिझेल दरवाढीविरोधात आंदोलन केलं तर…”; एकनाथ खडसेंचा टोला

राज्यामधील आघाडीविरोधात आक्रोश मोर्चा काढलाय. लोडशेडिंगविरोधात भाजपाने आज आक्रोश मोर्चा काढलाय, याबद्दल तुम्हाला काय वाटतं, असं पत्रकारांनी खडसेंना विचारलं. त्यावर उत्तर देताना, “मला वाटतं शेतकऱ्यांचे प्रश्न सोडवताना डिझेल, पेट्रोल महाग झालंय. घरचा गॅस महाग झालाय. औद्योगिक गॅस महाग झालाय. विमानभाडं महाग झालंय. रेल्वे भाड्यात वाढ होण्याची शक्यता आहे. लोखंडाचे दर वाढले, सिमेंटचे दर वाढलेत. दिवसोंदिवस सर्वत्र जी महागाई वाढतेय. याच्याविरोधात त्यांनी आक्रोश आंदोलन केलं असतं तर बरं वाटलं असतं,” असा टोला लगावला.

आणखी वाचा

राज्यात जातीय विभाजनाचा प्रयत्न कधीही घडला नव्हता; पृथ्वीराज चव्हाण यांची खंत

Amol Khatal : आठ वेळा आमदार झालेल्या बाळासाहेब…

Chhagan Bhujbal : देवेंद्र फडणवीस यांना मुख्यमंत्री म्हणून राष्ट्रवादीचा पाठिंबा आहे का? छगन भुजबळ म्हणाले, “आमचा विरोध…”

Ajit Pawar : “अरे पठ्ठ्या, तू आमदार कसा होतो तेच बघतो”, अजित पवारांनी खुलं आव्हान दिलेला नेता जिंकला की हरला?

Kangana Ranaut : “महाराष्ट्रात दैत्यांचा पराभव झाला, महिलेचा अपमान..”, निकालानंतर कंगनाची पहिली प्रतिक्रिया

“पंकजाताई तु्म्ही माझ्यासारख्या प्रामाणिक माणसाला गमावलंत”, निवडून येताच भाजपा आमदार सुरेश धस यांची व्यथा

Girish Kuber Election Result Analysis Video: लाभार्थीकरण, धर्माची फोडणी आणि चमचमीत यश; गिरीश कुबेर यांनी सांगितली महायुतीच्या विजयाची ‘रेसिपी’!

Devendra Fadnavis : “मी देवेंद्र गंगाधरराव फडणवीस, ईश्वर साक्ष….”; महाराष्ट्राला हे चित्र पुन्हा दिसणार? कोण होणार महायुतीचा मुख्यमंत्री?

“एकीकडे राज्य सरकारविरोधात लोडशेडिंगसाठी आंदोलन करायचं आणि दुसरीकडे केंद्र सरकारने पेट्रोल डिझेलचे भाव वाढवलेत तर त्याबद्दल ब्र सुद्धा काढायचा नाही. हा दुटप्पीपणा आहे,” असंही खडसे म्हणाले. तसेच पुढे बोलताना त्यांनी, वीजेची टंचाई आहे हे मान्य करुन चालावं लागले.
ही टंचाई आजची आहे असं नाही. दरवर्षी ही उन्हाळ्यात ही आपल्याला जाणवते. यावर मार्ग काढण्याचा सरकार प्रयत्न करतंय,” असं म्हटलं.

भाजपाच्या कालावधीमध्ये वीज जात होती असं म्हणत भाजपाच्या काळात लोडशेडिंग होत असल्याचा भाजपाचा दावा खडसेंनी खोडून काढला.
“भाजपाचा जाहीरनामा तयार करणाऱ्या समितीचा मी सदस्य होतो. मोफत वीज आणि मुबलक वीज असं २०१४ साली आम्ही महाराष्ट्राच्या जनतेला आश्वासन दिलेलं. मोफत वीज देता आली नाही, मुबलक वीजही देता आली नाही,” असं खडसे म्हणाले.

आम्ही विरोधकांची भूमिका बजावतोय हे दाखवण्यासाठी केलेले हे मोर्चे असतात, असा टोलाही खडसेंनी लागवलाय. मोर्चे काढणं हा विरोधकांचा अधिकार आहे. केंद्र सरकारकडून जी वाढ होतेय त्याबद्दल बोललं जरासं तर बरं वाटेल, असा शाब्दिक चिमटाही त्यांनी काढला.