महापुरूषांविषयी वादग्रस्त वक्तव्य केल्यानंतर उच्च व तंत्रशिक्षणमंत्री चंद्रकांत पाटील यांच्यावर पुण्यात काळी शाई फेकण्याची घटना ताजी असतानाच सोलापुरात भाजपाचे माजी मंत्री, आमदार विजय देशमुख यांच्याही अंगावर काळी शाई फेकण्याचा प्रकार मंगळवारी रात्री घडला. सोलापुरात आयोजित एका लग्नसमारंभात हा प्रकार घडला. या घटनेनंतर पोलिसांनी शाईफेकणाऱ्या तरुणाला पकडले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा- शाईफेक प्रकरण नडलं! पिंपरीचे पोलीस आयुक्त अंकुश शिंदे यांची बदली

आणखी वाचा

सोलापूरातील न्यू बुधवार पेठेत बुध्दराष्ट्र प्रतिष्ठानने आयोजित केलेल्या सामूहिक विवाह सोहळ्यास उपस्थित राहण्यासाठी आमदार देशमुख गेले होते. त्यावेळी गर्दीत अचानकपणे लाल पोशाख परिधान केलेल्या एका तरूणाने महापुरूषांच्या विरोधात अवमानकारक विधाने करणाऱ्या राज्यपाल भगतसिंह कोश्यारी यांच्यासह सत्ताधारी भाजपाचे जबाबदार मंत्री व इतर नेत्यांवर कारवाई न करता सरकार त्यांना पाठीशी घालत असल्याचा आरोप करीत सरकारच्या विरोधात निषेधाच्या घोषणा देत आमदार देशमुख यांच्या अंगावर काळी शाई फेकली. या घटनेमुळे सामूहिक विवाह सोहळ्यात गोंधळ उडाला.

हेही वाचा- ठाकरे गटाचे आणखी एक नेते अडचणीत; आमदार राजन साळवींची उद्या ‘एसीबी’कडून चौकशी

दरम्यान, तेथे बंदोबस्तासाठी तैनात असलेल्या पोलिसांनी संबंधित तारूणाला जागेवर पकडले. या घटनेनंतर आमदार देशमुख हे सुध्दा विचलित न होता अंगावरील शर्ट बदलून पुन्हा मोठ्या मनाने सामूहिक विवाह सोहळ्यात सहभागी झाले.