मोठी बातमी! सहलीला गेलेल्या विद्यार्थ्यांवर काळाचा घाला; ४८ जणांना घेऊन जाणारी बस उलटली, दोघांचा मृत्यू

रविवारी रात्री लक्झरी बस क्रमांक एमएच ०४ जीपी २२०४ ही बस लोणावळा येथून चेंबूरच्या दिशेने जात होती. या बसमधून चेंबूर येथील मयांक कोचिंग क्लासेसचे दहावीच्या वर्गातील एकूण ४८ विद्यार्थी प्रवास करत होते. कोचिंग क्लासचे दोन शिक्षकही बसमध्ये होती. ही बस जुन्या मुंबई-पुणे महामार्गावरून चेंबूरच्या दिशेनं जात होती. यावेळी घाट उतरत असताना रात्री आठच्या सुमारास मॅजिक पॉईंटजवळ ही बस डाव्या बाजूला उलटली.

या अपघातात जवळपास सर्व विद्यार्थी जखमी झाले आहे. जखमी विद्यार्थ्यांना लोणावळा, खोपोली व आजुबाजूच्या परिसरातील विविध रुग्णालयांमध्ये दाखल करण्यात आले आहे. या दुर्दैवी घटनेच एक मुलगा आणि एका मुलीचा मृत्यू झाला आहे. क्रेनच्या साह्याने अपघातग्रस्त बसला बाजूला घेण्यात आलं असून वाहतूक सुरळीत करण्यात आलेली आहे.