काझीपेट एक्‍स्‍प्रेस समोर अन् रेल्‍वे क्रॉसिंगवर बस पडली बंद!

चांदूर रेल्‍वे आगाराची एसटी बस मालखेडहून चांदूर रेल्‍वेकडे येत असताना आज (शनिवार) सकाळी ही घटना घडली. ही बस सकाळी १०.३० वाजताच्‍या सुमारास चांदूर रेल्‍वे नजीकच्‍या रेल्‍वे क्रॉसिंगवर पोहचली. तेव्‍हा रेल्‍वे फाटक खुले असल्‍याने बसचालकाने रेल्‍वे मार्ग ओलांडण्‍याचा प्रयत्‍न केला, पण बस मध्‍येच बंद पडली. बरेच प्रयत्‍न करूनही बस सुरू होत नसल्‍याचे पाहून बस ढकलून रेल्‍वे मार्ग ओलांडण्‍याचा प्रयत्‍न प्रवाशांनी करून पाहिला, पण त्‍यात त्‍यांना यश मिळाले नाही. दुसरीकडे, पुण्‍याहून येणा-या २२१४१ पुणे-काझीपेट एक्‍स्‍प्रेसची वेळ झालेली असल्‍याने रेल्‍वे फाटक बंद करायचे होते. पण, अडचण ओळखून रेल्‍वे फाटकावरील कर्मचा-यांनी ही माहिती लगेच रेल्‍वे प्रशासनाला कळवली. त्‍यानंतर काझीपेट एक्‍स्‍प्रेस रेल्‍वे फाटकापासून काही अंतरावर थांबविण्‍यात आली.

आणखी वाचा

इंदापूर-करमाळा ऋणानुबंध पुन्हा जुळणार; शिरसोडी-कुगाव पुलाच्या कामाला सुरुवात

Madhuri Dixit : डर चित्रपट माधुरी दीक्षितने का…

पैशाच्या जोरावर लोकशाही विकत घेण्याचा प्रयत्न म्हणजेच ‘ऑपरेशन लोटस’,पटोलेंचा घणाघात

विदर्भ गारठला… गोंदिया ९.४, तर नागपूर, वर्धा १० अंश सेल्सिअस

ठाणे रेल्वे स्थानकात प्रवाशांचा गोंधळ; अचानक मुंबई दिशेकडे जाणारी लोकल लावल्याने प्रवाशांमध्ये संभ्रम

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी

भरधाव अलीशान कार थेट गॅरेजमध्‍ये घुसली; तिघे गंभीर जखमी, अलिबाग चोंढी येथील घटना

अमरावती : भरधाव दुचाकींची समोरासमोर धडक; दोन ठार

या प्रकारामुळे एक्‍स्‍प्रेसचे वेळापत्रक कोलमडले –

एसटी बस बंद पडल्‍याची माहिती चांदूर रेल्‍वे बसस्‍थानक प्रमुखांना देण्‍यात आली, त्‍यानंतर ही बस पुढे काढण्‍यासाठी आणखी एक बस पाठविण्‍यात आली. या बसला दोरी बांधून बंद पडलेल्‍या बसला रेल्‍वे मार्गावरून हटविण्‍यात आले आणि नंतर पुणे-काझीपेट एक्‍स्‍प्रेस पुढे रवाना झाली. या प्रकारामुळे एक्‍स्‍प्रेसचे वेळापत्रक कोलमडले. इतरही प्रवासी गाड्यांच्‍या वाहतुकीवर परिणाम झाला.