‘फुलपाखरू एक कीटक आहे’ बालनाटय़ाचे आयोजन

पालकांचे प्रबोधन करणारे ‘फुलपाखरू एक कीटक आहे’ हे बालनाटय़ येथील बॅ. नाथ पै सभागृहात ९ फेब्रुवारी रोजी रात्रौ ९.३० वा. सादर केले जाणार आहे. या बालनाटय़ास राज्यस्तरीय अनेक पुरस्कार प्राप्त झालेले आहेत. कवयित्री उषा परब लिखीत या बालनाटय़ सादरीकरणास अटल प्रतिष्ठानच्या मुलांनी साथ दिली आहे.
    हे बालनाटय़ यापूर्वी मुंबईत स्पर्धेतही सादर करण्यात आलेले आहे. आजच्या स्पर्धेच्या युगात मुलांच्या संस्कारमय प्रगती साधण्यासाठी पालकांच्या प्रबोधनासाठी लेखिका उषा परब यांनी बालनाटय़ स्वरूपात नाटकाचे लेखन केले आहे.