‘पुणे तिथे काय उणे’, गाडी घेतल्याच्या आनंदात वाटले सोन्याचे पेढे

धायरी परिसरात राहणारे बागायतदार सुरेश पोकळे यांनी जग्वार एक्स एफ ही कार विकत घेतली. ६० लाखाची आलिशान कार विकत घेतल्याचा आनंद त्यांच्या गगणात मावेनासा झाला होता. या आनंदाच्या भरात सुरेश पोकळे यांनी आपल्या इष्टमित्रांना सोन्याचे पेढे खाऊ घालण्याचा निर्णय घेतला आणि ही सुवर्णपेढ्यांची ऑर्डर काका हलवाई मिठाईवाल्यांकडे नोंदवली.

काका हलवाई यांनीही पोकळे यांच्यासाठी विशेष सोन्याचे वर्ख असलेले पेढे बनवून दिले. ७ हजार रुपये किलो दरानं काका हलवाईनं पोकळे कुटुंबियांना हे खास पेढे बनवून दिले. पोकळे यांनी एकुण किती पेढे वाटले याची माहिती मात्र जाहीर करण्यात आली नाही.

सुरेश पोकळे यांना महागडी गाडी खरेदी केल्यानंतर त्याचा आनंदही शाही पद्धतीनं साजरा करायचा होता. त्यामुळेच त्यांनी लोकांना सोन्याचा वर्ख असलेले पेढे वाटून त्यांचं तोंड गोड केले.