“मॅडम कुटुंबासह फोटो काढायचा आहे,” कार्यकर्त्याच्या विनंतीवर भडकल्या निर्मला सीतारमन

निर्मला सीतारामन यांनी बारामती मतदारसंघाअंतर्गत येणाऱ्या सासवड येथे बूथ कार्यकर्त्यांची बैठक घेतली. बैठकीत केंद्रीय योजना लोकांपर्यंत पोहचवा, बाहेरून नोकरी व व्यवसायानिमित्त या मतदार संघात आलेल्या मतदारांना संपर्क करून आपलेसे करा, असे आदेश सीतारामन यांनी कार्यकर्त्यांना दिले.

या बैठकीनंतर ज्या भाजपा कार्यकर्त्याच्या घरी ही बैठक झाली, त्यांच्या कुटुंबाला अर्थमंत्री सीतारमन यांच्यासह एका फोटो काढायचा होता. बैठक झाल्यावर त्या कार्यकर्त्याने सीतारमन यांच्याकडे विनंती केली की, ‘मॅडम आमचं पूर्ण कुटुंब सकाळपासून तुम्हाला भेटण्यासाठी थांबलं आहे. तुमच्यासोबत एक फोटो काढायचा आहे.’ कार्यकर्त्याच्या या मागणीवर निर्मला सीतारमन चांगल्याच भडकल्या. त्यांनी कार्यकर्त्याला झापलं आणि पुढील प्रवासासाठी निघून गेल्या.

हेही वाचा – मुख्यमंत्र्यांच्या खुर्चीवर श्रीकांत शिंदे… ‘त्या’ फोटोवरून शिवसेनेनं डागली तोफ! म्हणे, “आदित्य ठाकरे..!”

यावरती कार्यकर्त्याने सांगितलं की, ‘माझ्या वडिलांपासून आम्ही भाजपाचे काम करत आहे. त्यामुळे निर्मला सीतारमन यांच्याकडे आम्ही फोटोसाठी आग्रह केला.’ याबाबतचा व्हिडीओ समाजमाध्यमामध्ये मोठ्या प्रमाणात व्हायरल होत आहे.