मुख्यमंत्र्यांना शुभेच्छा देणार का? प्रश्न विचारताच चंद्रकांत खैरे भडकले; रागात म्हणाले “हट्, ज्यांनी…”

हेही वाचा >>> Cow Hug Day : ‘१४ फेब्रुवारीला गायीला मिठी मारा’ केंद्र सरकारच्या निर्देशावर अजित पवारांची प्रतिक्रिया, म्हणाले, “कोणाला मिठ्या…”

मग अशा माणसाला शुभेच्छा द्यायच्या का?

मुख्यमंत्री एकनाथ शिंदे यांच्या वाढदिवसानिमित्त त्यांना शुभेच्छा देणार का? असा प्रश्न चंद्रकांत खैरे यांना विचारण्यात आला. त्यावर बोलताना “ज्यांनी शिवसेना फोडली त्यांना शुभेच्छा देण्याची गरज नाही. ज्याला बाळासाहेबांनी वाढलवले, मोठे केले त्यांनीच शिवसेना फोडली. मग अशा माणसाला शुभेच्छा द्यायच्या का? हट्. राज्यभरात त्यांच्या वाढदिवसानिमित्त बॅनर्स लावण्यात आले आहेत. ते सगळे खोक्यांमुळे (पैशांमुळे) आहे,” अशी प्रतिक्रिया चंद्रकांत खैरे यांनी दिली.

हेही वाचा >>> Video : मोदी भाषणाला उभे राहताच संसदेत गदारोळ, विरोधकांकडून ‘मोदी-अदाणी भाई भाई’ म्हणत जोरदार घोषणाबाजी!

आम्ही जगात सर्वांनाच शुभेच्छा देत असतो

दरम्यान, ठाकरे गटातील नेते आदित्य ठाकरे यांनी मात्र एकनाथ शिंदे यांना शुभेच्छा दिल्या आहेत. पत्रकारांनी मुख्यमंत्री एकनाथ शिंदे यांचा वाढदिवस असल्याचे आदित्य ठाकरे यांना सागंतिले. त्यावर बोलताना “आज काही आव्हान देणार नाही. वाढदिवसानिमित्त आम्ही जगात सर्वांनाच शुभेच्छा देत असतो. आमची सवय आहे की, आम्ही कुणाचेही वाईट बघत नाही. आमच्या पाठीत कुणी खंजीर खुपसले असतील, पाठीत वार केले असतील तरी देखील आम्ही कुणाचे वाईट चिंतित नाही. नेहमी आमच्याच शुभेच्छा सर्वांसोबत असतात,” असे आदित्य ठाकरे म्हणाले.