चंद्रपूर : महिला स्वयंसहायता समूहाच्या मदतीने ५ हजार ३०० परसबागा विकसित

माझी पोषण परसबाग विकासन मोहीम दि.१५ जून ते २५ जुलै २०२० या कालावधीत हाती घेण्यात आली होती. चळवळ पोषणाची – सर्वांच्या सहभागाची या उक्तीप्रमाणे २१ दिवसांच्या मोहीम कालावधीत चंद्रपूर जिल्ह्याला ३ हजार ७५ वैयक्तिक, सामूहिक परसबागा विकसित करण्याचे उद्दिष्ट देण्यात आले होते. या उद्दिष्टांची पूर्ती करत जिल्ह्याने ५ हजार ३०० वैयक्तिक सामूहिक परसबागा विकसित केल्या आहेत.

आणखी वाचा- चंद्रपूर जिल्ह्यातील बांबूच्या राख्यांना देशभरात मागणी

ही आहे माझी पोषण परसबाग विकासन मोहीम:
गरोदर महिला, स्तनदा माता, किशोरी, समुदाय संस्थांच्या सदस्या आणि बालके अशा लाखो व्यक्तींना पुरेशा प्रमाणात सेंद्रीय ताजा भाजीपाला मिळेल व त्यांचे आरोग्यमान सुधारण्यासाठी उमेद अभियानामार्फत, माझी पोषण परसबाग विकासन मोहीमेअंतर्गत जिल्ह्यातील महिलांच्या माध्यमातून वैयक्तिक सामूहिक परसबागा विकसित करणे.