ओबीसी समाजाच्या शिष्टमंडळाची शुक्रवारी ( २९ सप्टेंबर ) मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, मंत्री छगन भुजबळ यांच्या उपस्थितीत बैठक पार पडली. या बैठकीत अजित पवार आणि छगन भुजबळ यांच्यात खडाजंगी झाल्याचं समोर आलं होतं. यावर छगन भुजबळ यांनी स्पष्टीकरण दिलं आहे.
ओबीसी आरक्षणानुसार छगन भुजबळांनी बैठकीत आकडेवारी सादर केली. पण, ही आकडेवारी अजित पवारांना अमान्य होती. यावरूनच दोघांत वाद झाल्याचं सांगण्यात येत होतं. पण, सचिवांना अजित पवारांनी चुकीचं मार्गदर्शन केलं, असं छगन भुजबळ यांनी सांगितलं आहे.
हेही वाचा : “यह डर अच्छा है!” मुख्यमंत्री एकनाथ शिंदेंचा विदेश दौरा रद्द झाल्याच्या वृत्तावर आदित्य ठाकरेंचा टोला
छगन भुजबळ म्हणाले, “अजित पवार यांच्याबरोबर वाद झाला, यात सत्य नाही. पण, एससी, एसटी, ओबीसी यांची माहिती तुमच्याकडं असणार असं अजित पवारांना म्हटलं. त्यावरून थोडी चर्चा झाली. मात्र, पराचा कावळा करण्यात आला. आमच्यात कुठलेही मतभेद नाहीत.”
हेही वाचा : कोविड घोटाळ्याप्रकरणी ईडीचं आरोपपत्र दाखल, अधिकाऱ्यांना लाच म्हणून सोन्याची बिस्किटे, बार अन्…
“दलित, ओबीसी, आदिवासी आणि खुल्या प्रवर्गात कशी आणि किती भरती झाली, याची टक्केवारी मांडली होती. पण, अजित पवारांना सचिवांनी चुकीचं मार्गदर्शन केल्यानं ते बोलले. एका घरात दोन भावांत चर्चा होत असते. अशी चर्चा आमच्यात झाली. अंतर्गत लढाई वगैरे आमच्यात नाही,” असं भुजबळांनी सांगितलं.