अन्न आणि नागरी पुरवठामंत्री छगन भुजबळ व राष्ट्रवादी काँग्रेसचे नेते छगन भुजबळ यांची तब्बल १०० कोटींची संपत्ती आयकर विभागाने जप्त केली आहे, असा दावा भाजपा नेते किरीट सोमय्या यांनी केला आहे.
छगन भुजबळ यांची १०० कोटींची बेहिशोबी मालमत्ता जप्त झाली असल्याचं सोमय्या यांनी सांगितलं आहे. छगन भुजबळ, समीर भुजबळ व पंकज भुजबळ यांच्या या मालमत्ता असल्याची माहिती समोर येते आहे. किरीट सोमय्या यांनी ट्विटद्वारे याबाबतची माहिती दिली आहे.
”ठाकरे सरकारचे मंत्री छगन भुजबळ, माजी खासदार समीर भुजबळ, माजी आमदार पंकज भुजबळांच्या १०० कोटींच्या बेनामी मालमत्ता आयकर विभागाने जप्त केल्या आहेत.” असं ट्विट भाजपा नेते किरीट सोमय्या यांनी केलं आहे.
Thackeray Sarkar’s Minister Chhagan Bhujbal, Ex MP Samir Bhujbal Ex MLA Pankaj Bhujbal’s ₹100 crore BENAMI Properties Siezed by Income Tax
ठाकरे सरकारचे मंत्री छगन भुजबळ, माजी खासदार समीर भुजबळ माजी आमदार पंकज भुजबळ यांचा ₹100 कोटींचा बेनामी मालमत्ता आयकर विभागाने जप्त केल्या pic.twitter.com/Ui4A0JSOre
— Kirit Somaiya (@KiritSomaiya) August 25, 2021
”कोलकात्तामधील बोगस तेल कंपन्यांद्वारा हे मनी लॉण्ड्रींग करण्यात आलं होतं. अंजली दमानिया व मी वेगवेगळ्या दोन याचिका मुंबई उच्च न्यायालयात दाखल केल्या होत्या, ईडी, एसईबी आणि आता आय़कर विभाग. याच्या अंतर्गत आय़कर विभागने जी प्रेसनोट काढली आहे. सत्र न्यायालयात दावा दाखल झाला आहे, सात वर्षांपर्यंत पर्यंत शिक्षा होऊ शकते.” असं किरीट सोमय्या यांनी सांगितलं आहे.
तर, हा संपत्तीशी माझा कोणताही संबध नाही असा खुलासा छगन भुजबळ यांच्याकडून या कारवाईच्या पार्श्वभूमीवर करण्यात आलेला आहे.
