“राजकीय पोळी भाजून घेण्यासाठी…”, मुख्यमंत्री शिंदेंची महाविकास आघाडीवर टीका

आता सर्वपक्षीय बैठक पार पडल्यानंतर मुख्यमंत्री एकनाथ शिंदे यांनी विरोधकांवर हल्लाबोल केला. “राज्यात जातीय तेढ रहावा अशी भूमिका महाविकास आघाडीची असून दोन समाजात तेढ निर्माण व्हावा, आणि आपली राजकीय पोळी भाजून घ्यावी, हा विरोधकांचा प्रयत्न आहे. मात्र, विरोधक जेव्हा सत्तेत होते तेव्हा मराठ्यांना आरक्षणापासून वंचित ठेवलं”, असा हल्लाबोल मुख्यमंत्री एकनाथ शिंदे यांनी केला.

आणखी वाचा

टोलमुक्तीनंतर श्रेय मिळविण्यासाठी चढाओढ

१७ ऑक्टोबर पंचांग: धनसंपत्ती की प्रचंड यश, गुरुवारी…

महसूलमंत्र्यांच्या वरदहस्ताने पुनर्वसनाच्या जमिनीमध्ये २०० कोटींचा घोटाळा – आमदार रवींद्र धंगेकर यांचा आरोप

वन विभागाचे अरण्यक केंद्र ग्राहकांच्या प्रतिक्षेत

पाण्यासाठी आता भाजपच्या माजी नगरसेवकांचेही आंदोलन; माहीम आणि मुलुंडमध्ये धरणे

मीरा भाईंदरमध्ये राजकारण्यांची धार्मिक चढाओढ

मिठागरांच्या जागेवर धारावी प्रकल्पग्रस्त; २५६ एकर जमिनीवर पुनर्वसनासाठी इमारती बांधण्यास मंत्रिमंडळाची मंजुरी

मुख्यमंत्र्यांच्या सामाजिक न्याय विभागाच्या ४०० कोटींच्या निविदांचे धोरण फसले, लाखो विद्यार्थी वंचित

हेही वाचा : “आपली राजकीय जात कुठली? हे दाखवण्याचा…”, फडणवीसांचा महाविकास आघाडीवर हल्लाबोल

मुख्यमंत्री शिंदे काय म्हणाले?

“राज्यात मराठा आणि ओबीसी आरक्षणावरून जे काही वातावरण तयार झालं आहे. महाराष्ट्र असाच पेटता राहावा, अशा प्रकारचं धोरण महाविकास आघाडीचं आहे. हे आजच्या सर्वपक्षीय बैठकीवर महाविकास आघाडीने टाकलेल्या बहिष्कारामधून दिसून आलं आहे. राज्यात कधी अशा पद्धतीच्या घटना घडल्या तर सरकार आणि विरोधी पक्ष तसेच सर्व पक्षांचे नेते एकत्र येऊन चर्चा करून मार्ग काढत असतात. दोन्हीही समाजाला न्याय मिळाला पाहिजे. यावरच आजच्या बैठकीत चर्चा झाली. मात्र, या दोन्ही समाजात संघर्ष कायम राहावा आणि आपली राजकीय पोळी भाजून घ्यावी, ही महाविकास आघाडीची भूमिका महाराष्ट्रासमोर आली आहे”, अशी टीका मुख्यमंत्री शिंदे यांनी केली.

मुख्यमंत्री शिंदे पुढे म्हणाले, “आंदोलकर्त्यांनीही या बाबींचा निश्चित विचार केला पाहिजे. मराठा आणि ओबीसींबाबत विरोधकांना किती प्रेम आहे? याचा विचार केला पाहिजे. आम्ही मराठा समाजाला न्याय दिला. १० टक्के आरक्षण दिलं पण ते आरक्षण रद्द व्हावं, यासाठी काही लोक प्रयत्न करत आहेत. राजकीय पोळी भाजण्याचा विरोधकांचा प्रयत्न आहे. विरोधक हे आता दुटप्पी भूमिका घेत आहेत. याचा विचार मराठा आणि ओबीसी या दोन्ही समाजाने करावा. आम्ही ज्या दिवसांपासून १० टक्के आरक्षण दिलं तेव्हापासून हे आरक्षण टिकणार नाही, अशा प्रकारचा टाहो विरोधक फोडत होते”, असा हल्लाबोल मुख्यमंत्री शिंदे यांनी केला.