“मी मनोज जरांगेंना विनंती केली आहे की…”, मुख्यमंत्री एकनाथ शिंदेंनी स्पष्ट केली भूमिका; म्हणाले, “सरकार जर…!”

काय म्हणाले मुख्यमंत्री?

मुख्यमंत्री एकनाथ शिंदेंनी पत्रकारांनी मनोज जरांगे पाटलांच्या भूमिकेविषयी विचारणा केली असता त्यांनी त्यावर सरकारच्या आधीच्याच भूमिकेचा पुनरुच्चार केला. “मराठा आरक्षण सरकार देणार आहे. सरकारची भूमिका कालही तीच होती, आजही तीच होती. ओबीसी वगैरे अशा इतर कोणत्याही आरक्षणाला धक्का न लावता मराठा आरक्षण दिलं जाणार आहे. त्या बाबतीत मागावसर्ग आयोग मोठ्या प्रमाणावर काम करतोय. १ लाख ४० हजार लोक ३ शिफ्टमध्ये काम करत आहेत. सर्वेक्षणाचं काम वेगाने चालू आहे. ज्या कुणबी नोंदी सापडतायत, त्यांना प्रमाणपत्र देण्याचं काम चालू आहे. विविध योजना देण्याचंही काम चालू आहे”, असं एकनाथ शिंदे म्हणाले.

आणखी वाचा

Sharad Pawar : जयंत पाटील महाविकास आघाडीचे मुख्यमंत्रिपदाचे उमेदवार? देवेंद्र फडणवीसांच्या आव्हानानंतर शरद पवारांचं सूचक विधान

१७ ऑक्टोबर पंचांग: धनसंपत्ती की प्रचंड यश, गुरुवारी…

मविआ सत्तेत आल्यास कल्याणकारी योजनांवर गदा; ‘रिपोर्ट कार्ड’च्या प्रकाशनप्रसंगी मुख्यमंत्र्यांचा आरोप

“महायुतीने भावी विरोधी पक्षनेता कोण याची चिंता करावी!”, काँग्रेस नेते बाळासाहेब थोरात यांची टीका

Baba Siddique Shot Dead : बाबा सिद्दीकींच्या हत्येनंतर मुख्यमंत्री एकनाथ शिंदेंची पहिली प्रतिक्रिया; म्हणाले, “आम्ही कुणालाही…”

विकासशत्रू महाविकास आघाडीला रोखा – पंतप्रधान नरेंद्र मोदी

मुस्लिमविरोधी वक्तव्य करत असल्याचा आरोप, मुख्यमंत्री शिंदे आणि नितेश राणेंविरूद्ध गुन्हा दाखल करा, याचिकेद्वारे मागणी

नागपूर : मुख्यमंत्री म्हणाले ” राहुल गांधी विदेशात देशाची बदनामी करतात….”

एकनाथ शिंदेंचं जरांगे पाटलांना आवाहन

दरम्यान, यावेळी मुख्यमंत्री एकनाथ शिंदे यांनी मनोज जरांगे पाटील यांना आवाहन केलं आहे. “मनोज जरांगे पाटील यांना मी विनंती केली आहे की सरकार पूर्ण सकारात्मक आहे. आरक्षण देण्यासाठी सरकार काम करत आहे. विविध फायदे देत आहे. फक्त आश्वासन न देता ज्या सुविधा ओबीसींप्रमाणे मराठा समाजाला देणं आहे, त्या सुविधा दिल्या जात आहेत. त्यामुळेच मनोज जरांगे पाटलांना मी आवाहन केलंय की जर सरकार सकारात्मक नसेल, तर आंदोलन ठीक आहे. सरकार सकारात्मक आहे. त्यामुळे सरकारला सहकार्य करण्याची आवश्यकता आहे”, असं एकनाथ शिंदेंनी नमूद केलं.

“एकदा मराठा आरक्षण मिळू द्या, आपल्याला विरोध करणाऱ्या एक एक नेत्याला…”, मनोज जरांगे पाटील यांचा इशारा

“मराठा बांधव-भगिनींना माझं आवाहन आहे की सरकार तुमचंच आहे. सर्वसामान्यांचे प्रश्न सोडवणारं हे सरकार आहे. सध्या प्रशासकीय अधिकारी, विभागीय आयुक्त मनोज जरांगे पाटलाच्या संपर्कात आहेत. कुणबी नोंदींमध्ये काही सूचना येत आहेत. मराठा मागासवर्ग आयोगात सर्वेक्षणातून काही सूचना येत आहेत. या सर्व सूचनाही तातडीने अंमलात आणल्या जात आहेत”, असंही एकनाथ शिंदे म्हणाले.