शिर्डी विमानतळावर आणखी दोन हेलिपॅड, ८ वाहनतळ

शिर्डी येथील विमानतळाच्या कार्गो टर्मिनलचे काम वेगाने सुरू आहे. नाशिकपासून शिर्डी विमानतळ जवळ असल्याने नाशिक-त्र्यंबकेश्वर कुंभमेळ्याच्या वेळेस हवाई मार्गाने येणाऱ्या भाविकांना शिर्डी विमानतळ सोयीचे होणार आहे. त्यावेळी होणाऱ्या संभाव्य गर्दीचा विचार करून व नाशिक येथील विमानतळाची क्षमता लक्षात घेता शिर्डी विमानतळाचे विस्तारीकरण प्रस्तावास मान्यता देण्यात आली. यामध्ये ८ वाहनतळे, दोन हेलिपॅडसह टर्मिनलच्या अद्यावतीकरणाचा समावेश आहे. याचा फायदा कुंभमेळ्यादरम्यान येणारी विमाने व हेलिकॉप्टर सेवेसाठी होणार आहे. प्राधिकरणाचे संचालक तथा वित्त विभागाचे अतिरिक्त मुख्य सचिव ओ. पी. गुप्ता, परिवहनचे अतिरिक्त मुख्य सचिव संजय सेठी, एमआयडीसीचे मुख्य कार्यकारी अधिकारी पी. वेलरासू आदी उपस्थित होते.