सांगली : महापालिका प्रशासकराजच्या पहिल्याच दिवशी आढळले ९ दांडीबहाद्दर कर्मचारी

सांगली : प्रशासकांच्या हाती महापालिकेची सुत्रे जाताच तपासणीवेळी ९ कामचुकार कर्मचारी आढळले असून या सर्व कर्मचाऱ्यांना सोमवारी कारणे दाखवा नोटीस बजावण्यात आली आहे. महापालिकेत लोकनियुक्त सदस्यांची मुदत १९ ऑगस्ट रोजी समाप्त झाली. यानंतर शासकीय कामकाज सोमवारी सुरू झाले. लोकप्रतिनिधींचा वावर आजपासून थांबल्याने निर्धास्त झालेल्या कर्मचार्‍यांनी दांडी मारण्याचे प्रकार समोर आले. या कामचुकार कर्मचार्‍यांची झाडाझडती घेण्याचे निर्देश आयुक्त सुनील पवार यांनी दिले.