“दलित वस्त्यांवर जाऊन…” म्हणत शिवीगाळ करणाऱ्या लोणीकरांवर अ‍ॅस्ट्रॉसिटीअंतर्गत गुन्हा दाखल करण्याची मागणी

काँग्रेसची मागणी काय?
भाजपाचे परतुरचे आमदार बबनराव लोणीकर यांनी त्यांच्या औरंगाबादमधील बंगल्याचे थकीत वीज बिल भरलं नाही म्हणून मीटर इंजिनिअरने काढून नेले. त्यामुळे लोणीकर यांनी इंजिनिअरला शिवीगाळ केली. इंजिनिअरसोबत लोणीकरांच्या या संभाषणामध्ये लोणीकर यांनी महावितरण कंपनीमध्ये काम करणाऱ्या दलित कर्मचाऱ्यास शिवीगाळ केली आहे, असं काँग्रेस अनुसूचित विभागाचे जालना जिल्हाध्यक्ष दिनकर घेवंदे यांनी म्हटलं आहे. तसेच “लोणीकर यांनी झोपडपट्टीतील लोकांच्या घरी जाऊन वीज कनेक्शन तोडा असंही म्हटलं आहे. त्यामुळे बबनराव लोणीकर यांच्यावर अँट्रॉसिटी कायद्यानुसार गुन्हा दाखल करावा. गुन्हा दाखल न केल्यास तीव्र आंदोलन करण्यात येईल,” असा इशारा घेवंदे यांनी दिलाय. यासंदर्भातील तक्रार जालना पोलिसांत काँग्रेसच्या अनुसूचित विभागातच्या वतीने घेवंदे यांनी केली आहे.

आणखी वाचा

Suresh Dhas : “आका हा सोपा आका नाही, ठराविक लोकांना प्रत्येक महिन्याला…”, आमदार सुरेश धस यांचा गंभीर आरोप

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Devendra Fadnavis : पंतप्रधान नरेंद्र मोदींनी “देवाभाऊ” म्हणताच दिलखुलास हसले मुख्यमंत्री देवेंद्र फडणवीस, नेमकं काय घडलं?

Hemlata Patil : काँग्रेसला मोठा धक्का? ऐन महापालिका निवडणुकीच्या तोंडावर प्रवक्त्या डॉ.हेमलता पाटील पक्ष सोडणार?

Eknath Shinde: “कुणाचेही लागेबंधे असले तरी…”, संतोष देशमुख प्रकरणी उपमुख्यमंत्री एकनाथ शिंदेंचा इशारा

राज्यातील खंडणीच्या प्रकारांना मुख्यमंत्री, गृहमंत्री नव्हे तर कोण जबाबदार ? माजी मुख्यमंत्री पृथ्वीराज चव्हाण यांची विचारणा

“बळं बळं चौकशी…”, धनंजय मुंडेंच्या राजीनाम्याच्या प्रश्नावर अजित पवारांचा संताप; म्हणाले, “या प्रकरणात…”

उपमुख्यमंत्री एकनाथ शिंदे म्हणतात, “सर्व पक्षांनी एकच रस्ता धरलाय, तो म्हणजे धनुष्यबाणाची शिवसेना”

“भाजपाच्या आमदारांचं डोकं फिरलंय का?”
“अनेकदा या क्लिपमध्ये ते कर्मचाऱ्याला म्हणतायत तुझी लायकी आहे का? अहो आमदारसाहेब तुम्ही ३० वर्षे आमदार आहात. मंत्री राहिला आहात, तुमचीच लायकी आहे का भाऊ? तुम्ही गोरगरीबांच्या घराचे लाइट कनेक्शन बिनधास्त कापून न्या म्हणताय? दलित वस्त्यांवर जाऊन आकडे काढून दाखवा हरामोखरांनो, असं म्हणताय. ही भाषा तुमची? अहो आमदारसाहेब आता तरी वटणीवर या. भाजपाच्या आमदारांचं, मंत्र्यांचं डोकं फिरलंय की काय कळत नाही. नेहमीच तुम्ही दलित वस्त्यांच्या, झोपडपट्ट्यांच्या मुळावर का असता ओ?,” असा प्रश्न घेवंदे यांनी विचारला आहे.

ऊर्जामंत्र्यांचा टोला…
आमदार आणि माजी मंत्री असणाऱ्या लोणीकर यांची वीज कर्मचाऱ्यासोबतच्या संवादाची क्लीप व्हायरल झालीय. औरंगाबाद शहरातील सातारा परिसरामधील अभियंत्याला लोणीकरांनी धमकवण्याबरोबरच त्याला आक्षेपार्ह भाषेमध्ये सुनावलं आहे. वीज कनेक्शन तोडल्या प्रकरणावरुन माजी मंत्र्यांनी आपला संताप व्यक्त करताना पातळी सोडून वक्तव्य केल्याचं या क्लिपच्या आधारे सांगितलं जात आहे. ऊर्जामंत्री नितीन राऊत यांनीही या क्लिपबद्दल बोलताना, “राज्यामध्ये कॅबिनेट मंत्रीपद भुषविलेल्या व्यक्तीला ही भाषा शोभणारी नाही. संस्कारी पक्ष म्हणवणाऱ्या पक्षाचे ३० वर्षांहून अधिक काळ आमदार असलेल्या नेत्याने अशी भाषा वापरल्याने पक्ष संस्काराचा बुरखा फाटलाय,” असा टोला लगावलाय.

लोणीकरांचं स्पष्टीकरण…
दरम्यान लोणीकर यांनी, “वीज वितरण कंपनीच्या आडून माझ्याविरुद्ध षडयंत्र रचले जात असून मी कुठल्याही प्रकारचा फोन वीज वितरण कंपनीच्या अधिकाऱ्यांना लावलेला नाही. माझे कुठलेही मीटर वीज वितरण कंपनीने काढून नेलेले नाही. त्यामुळे मी फोन लावण्याचा प्रश्नच उद्भवत नाही.,काही षडयंत्र रचणाऱ्या लोकांनी माझी व वीज वितरण कंपनीच्या अधिकाऱ्यांची ऑडिओ क्लिप समाजमाध्यमांमध्ये व्हायरल केले आहे. व्हायरल झालेली व्हिडीओ क्लिप माझी नसून ते माझ्याविरुद्ध रचलेले कुभांड आहे,” असं फेसबुकवरुन स्पष्टीकरण देताना म्हटलंय.