“माझ्यामुळेच सत्ता आली”, राजस्थान विधानसभा निवडणुकीच्या आधी अशोक गेहलोत – सचिन पायलट यांच्यात पुन्हा धुसफुस

काँग्रेसचे १५६ जागा जिंकण्याचे लक्ष्य

मुख्यमंत्री अशोक गेहलोत यांनी आगामी विधानसभा निवडणुकीत १५६ जागा जिंकण्याचे लक्ष्य ठेवले आहे. माझ्या मागच्या सरकारच्या काळातील कामामुळेच २०१८ साली जनतेचे बहुमत मिळाले होते, असा दावा त्यांनी केला आहे. प्रजासत्ताक दिनाच्या सोहळ्यानंतर सवाई मानसिंह स्टेडियममध्ये आयोजित केलेल्या पत्रकार परिषदेत त्यांनी हा दावा केला. ते म्हणाले, “आम्ही जेव्हा १९९८ मध्ये सरकार स्थापन केले. तेव्हा आमच्याकडे १५६ जागा होत्या. त्यावेळी मी काँग्रेसचा प्रदेश अध्यक्ष होतो. त्यामुळे यावेळी देखील आम्ही मिशन १५६ हाती घेण्याचा प्रयत्न करत आहोत. यावेळी त्यांनी माजी उपमुख्यमंत्री सचिन पायलट यांच्यावर निशाणा साधताना मागच्या सरकारमध्ये असताना केलेल्या कामांची उजळणी केली.”

आणखी वाचा

Raosaheb Danve : कार्यकर्त्याला लाथ मारल्याच्या व्हिडीओवर रावसाहेब दानवेंची प्रतिक्रया; म्हणाले, “माझ्यातला कार्यकर्ता जागा होतो, तेव्हा…”

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Revanth Reddy : “ते भारताचे पंतप्रधान आहेत, पण…”; तेलंगणाच्या मुख्यमंत्र्यांची नरेंद्र मोदींवर गंभीर टीका!

“अजित पवार मुख्यमंत्री झालेच पाहिजेत”, अभिनेते भाऊ कदम यांना विश्वास, आणखी काय म्हणाले?

मोदी विश्वगुरू असले तरी माझे नाव घेतल्याशिवाय त्यांना… उद्धव ठाकरे यांचा टोला

Akbaruddin Owaisi: “काँग्रेसमुळे मुस्लिमांवर ‘ही’ वेळ”, एमआयएमचे नेते अकबरुद्दीन ओवेसी यांचा काँग्रेसवर आरोप

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

Ramesh Chennithala : “हरियाणाच्या निवडणुकीतून खूप शिकायला मिळालं, त्यामुळे ८० टक्के बंडखोरांनी…”, रमेश चेन्निथला यांचं महाराष्ट्राच्या निवडणुकीबाबत मोठं भाष्य

सचिन पायलट म्हणतात युवकांना संधी द्या

सचिन पायलट यांनी युवकांना संधी दिली जावी ही मागणी वारंवार मांडली आहे. पक्षातील ज्येष्ठ मंडळींनी आता युवकांना संधी देण्याबाबत विचार करावा, असे बोलताना त्यांनी अशोक गेहलोत यांच्यावरच एकप्रकारे अंगुलीनिर्देश केले आहे. अशोक गेहलोत बाजूला झाल्यास सचिन पायलट हे काँग्रेसचा मुख्यमंत्रीपदाचा चेहरा असतील. पायलट असेही म्हणाले की, २०१३ च्या विधानसभा निवडणुकीत काँग्रेसच्या आमदारांची संख्या २१ वर आली होती. त्यावेळी पक्षाने माझ्याकडे प्रदेशाध्यक्ष पदाची जबाबदारी दिली होती.

पायलट यांच्या या वक्तव्यावर गेहलोत यांनी त्यांचे नाव न घेता पलटवार केला. ते म्हणाले की, २०१३ साली विधानसभा निवडणुकीत मोदी लाटेचा सामना करावा लागला होता. मात्र निवडणुकीच्या निकालानंतर केवळ सहा महिन्यातच जनतेला मी केलेली आधीची कामे आठवायला लागली आणि तेच २०१८ साली पुन्हा सत्तेत येण्याचे कारण होते. सध्या भाजपाकडे आमच्या सरकारच्याविरोधात कोणताही मुद्दा नाही. जनता देखील आमच्यावर नाराज नाही. त्यामुळे आमचेच सरकार पुन्ह येईल, असा आशावाद त्यांनी व्यक्त केला. तरिही पायलट – गेहलोत यांच्यातले वाकयुद्ध थांबलेले नाही.