मराठवाड्यातील मराठा समाजाला कुणबी प्रमाणपत्र मिळण्याासाठी जालन्यातील अमरावाली सराटी येथे मनोज जरांगे-पाटील उपोषणास बसले होते. पण, सरकारने अटी मान्य केल्यानंतर मुख्यमंत्री एकनाथ शिंदे यांच्या उपस्थितीत जरांगे-पाटील यांनी १७ व्या दिवशी उपोषण सोडलं. जरांगे-पाटील यांच्या उपोषणावरून काँग्रेस प्रदेशाध्यक्ष नाना पटोले यांनी मुख्यमंत्री शिंदे आणि उपमुख्यमंत्री देवेंद्र फडणवीसांवर गंभीर आरोप केले आहेत.
“इंडिया आघाडीवरील बैठकीचं लक्ष वळवण्यासाठी जरांगे-पाटलांना उपोषणास बसवलं. त्यानंतर गृहमंत्र्यांनी आंदोलकांवर सौम्य लाठीचार्ज करण्याचे आदेश दिले,” असं नाना पटोले यांनी म्हटलं आहे. ते नागपुरात प्रसारमाध्यमांशी बोलत होते.
हेही वाचा : ठाकरे गटातील खासदाराकडून राहुल नार्वेकरांचा ‘सरडा’ असा उल्लेख; म्हणाले, “अनेक पक्षांचे रंग…”
नाना पटोले म्हणाले, “इंडिया आघाडीवरील लक्ष वळवण्यासाठी मुख्यमंत्र्यांनी ३१ ऑगस्टला जरांगे-पाटलांना उपोषणास बसवलं होतं. त्यानंतर १ सप्टेंबरला ३ ते ४ च्या दरम्यान सौम्य लाठीचार्जचे आदेश गृहमंत्र्यांनी दिले. इंडिया आघाडीवरील लक्ष वळवण्याचं पार भाजपा आणि येड्याच्या सरकारनं केलं आहे.”
हेही वाचा : “फडणवीसांनी राणांना आवर घालण्याची गरज आहे”, बच्चू कडूंच्या वक्तव्यावर रवी राणा प्रत्युत्तर देत म्हणाले…
“पत्रकार परिषदेत मुख्यमंत्री म्हणाले ‘बोलून मोकळं मोकळं व्हायचं’. हे फक्त दोन समाजात भांडण लावणार सरकार आहे. सौम्य लाठीचार्ज झाल्यावर फडणवीसांनी माफी मागितली. खरेतर फडणवीसांनी माफी नाहीतर राजीनामा द्यायला हवा होता. एकमेकांच्या जखमेवर मीठ चोळण्याचं काम सरकारनं करू नये. ओबीसी आग आहे. ओबीसीत आल्यावर जाळल्याशिवाय सोडणार नाही,” असा इशारा नाना पटोले यांनी दिला आहे.
