कराड : संभाजी भिडेंवर कारवाईच्या मागणीमुळे पृथ्वीराज चव्हाण यांना धमकीचा ई-मेल

हेही वाचा >>> Video : “देशाचा जीडीपी जैन समाजाजवळ, त्यांच्या श्रमातून…”, देवेंद्र फडणवीस यांचं विधान

आणखी वाचा

हयगय न करता करचोरी, गळती रोखा; उपमुख्यमंत्री अजित पवार यांचे वरिष्ठ अधिकाऱ्यांना निर्देश

वाल्मीक कराड: राखेच्या अवैध वाहतुकीतून दहशतीचा धुरळा!

मुंडे बहीण-भाऊ विरुद्ध सुरेश धस, निवडणुकीनंतर राजकीय पटलावर नवा वाद

‘भय’भूती : भीतिध्वनी

अमित शहांना आंबेडकर ‘फॅशन’च वाटणार!

बेकायदा राजकीय फलकांची वाढती संख्या भयावह; राजकीय पक्षांना अवमान नोटीस बजावताना उच्च न्यायालयाची उद्विग्नता

अमित शहांच्या विधानातून संघाच्या द्वेष भावनेचे प्रदर्शन, पृथ्वीराज चव्हाण यांनी साधला निशाणा

अमित शहांच्या प्रतीकात्मक पुतळ्याचे दहन, अकोल्यात वंचित आक्रमक; राष्ट्रीय महामार्गावर चक्काजाम

पृथ्वीराज चव्हाण यांना अज्ञाताकडून ई-मेलद्वारे धमकी देण्यात आल्याचा खळबळजनक प्रकार उघडकीस येताच पोलिसांनी हे प्रकरण गांभीर्याने घेतले आहे. या पार्श्वभूमीवर पृथ्वीराज चव्हाणांच्या सुरक्षेत वाढ करण्यात आली असून, त्यांच्या कराड येथील निवासस्थानी पोलीस बंदोबस्तही वाढविण्यात आला आहे. पोलिसांकडून या ई-मेलद्वारे धमकी प्रकरणी सायंकाळपर्यंत कराड शहर पोलिसात गुन्हा दाखल करण्याची प्रक्रिया सुरु होती. ही धमकी देणारी व्यक्ती नांदेडची असून, तो पकडला गेला आहे. त्यास  ताब्यात घेण्यासाठी कराड शहर पोलिसांचे पथक नांदेडकडे रवाना झाल्याचे पोलीस उपअधीक्षक अमोल ठाकूर यांनी सांगितले आहे.

राज्य विधानसभेच्या पावसाळी अधिवेशनामध्ये कराड दक्षिणचे  आमदार पृथ्वीराज चव्हाण यांनी संभाजी भिडे यांना महात्मा गांधी यांच्याबाबत केलेल्या आक्षेपार्ह व वादग्रस्त वक्तव्याबद्दल तत्काळ अटक करावी अशी मागणी सभागृहात केली होती. यावर विधानसभेत एकच गोंधळ उडाला होता. तर, दुसरीकडे महाराष्ट्रभर काँग्रेसच्या पदाधिकारी व कार्यकर्त्यांनी संभाजी भिडे यांच्यावर कारवाईच्या मागणीसाठी आंदोलन केले होते. त्यानंतर काल शनिवारी रात्री साडेबाराच्या सुमारास पृथ्वीराज चव्हाण यांना ई-मेलवरून ‘गुरुजींना अटक करा म्हणून बोलतो काय जिवंत राहायचे आहे का?’ अशी धमकी देण्यात आली.

हेही वाचा >>> “महाराष्ट्रात जन्माला आलेल्या प्रत्येकाच्या रक्तात शिवप्रेम भिनलेलं असतं”, उद्धव ठाकरे यांचं विधान

आज रविवारी सकाळी पृथ्वीराज चव्हाणांचे कार्यालय सुरू झाल्यानंतर त्यांचे सहाय्यक ई-मेल तपासत असताना हा धमकीचा ई-मेल निदर्शनास आला. त्यांनी तत्काळ याची माहिती पृथ्वीराज चव्हाण यांना दिली. त्यानंतर हा प्रकार पोलिसांना कळवण्यात आला. त्याअनुषंगाने पोलीस एकंदर प्रकाराची  माहिती घेत आहेत. हा ई-मेल कोणाच्या मेलवरून आला? तो कुठून पाठवला? ई-मेल करणारी व्यक्ती कोण? ई-मेल पाठवणाऱ्या व्यक्तीने बोगस ई-मेल अकाउंटचा वापर केला आहे किंवा काय? याबाबतची नेमकेपणाने माहिती घेतली जात आहे. दरम्यान, हे गैरकृत्य करणाऱ्याला नांदेंड येथे पोलिसांनी पकडले असून, त्याला ताब्यात घेण्यासाठी  कराड पोलिसांचे पथक तिकडे रवाना झाल्याचे पोलीस उपअधीक्षक अमोल ठाकूर यांनी सांगितल्याने ही धमकी देणारी व्यक्ती आणि त्यामागे कोण? याची आता उत्स्कुता राहणार आहे.