“मला दाऊदच्या कुटुंबीयांकडून फोन आला होता, ते म्हणाले…”, गँगस्टरची मालमत्ता खरेदी करणाऱ्या वकिलांनी सांगितला प्रसंग!

“दाऊदला हरवायचंय”

वकील अजय श्रीवास्तव हे दाऊद इब्राहिमच्या मालमत्तांच्या प्रत्येक लिलाव प्रक्रियेत सहभागी होतात. आपल्याला दाऊद इब्राहिमला हरवायचं असल्याचं त्यांनी म्हटलं आहे. त्यासाठीचा हा आपला मार्ग असल्याचं ते म्हणाले. दाऊद इब्राहिमच्या खरेदी केलेल्या मालमत्तांवर सनातन शाळा उभारायची असल्याचीही इच्छा त्यांनी व्यक्त केली आहे.

Dawood Ibrahim: “दाऊदवर विषप्रयोगाच्या वृत्तामुळे पाकिस्तानची पंचाईत, आता पितळ उघडं…”, उज्ज्वल निकम यांची सूचक प्रतिक्रिया!

“तीन-चार वर्षांपूर्वी दाऊदच्या कुटुंबीयांनी त्यांच्या वकिलांकरवी माझ्याशी संपर्क साधला होता. ते म्हणाले की तू ही सगळी मालमत्ता पुन्हा आम्हाला दे, तुला किती पैसे हवेत ते सांग. मी त्यांना स्पष्ट नकार दिला. कारण माझा हेतू हा पैसे कमावणे नाही”, असं अजय श्रीवास्तव म्हणाल्याचं एनडीटीव्हीनं दिलेल्या वृत्तात म्हटलं आहे.

कोण आहेत अजय श्रीवास्तव?

अजय श्रीवास्तव यांनी याआधी दाऊद इब्राहिमच्या तीन मालमत्तांची खरेदी केली आहे. रत्नागिरीच्या मुंबेक गावातील दाऊद इब्राहिमचं बालपणीचं राहतं घरही त्यात आहे. आपला ज्योतिषावर विश्वास असून नुकत्याच खरेदी केलेल्या जमिनीचा सर्वे नंबर आपल्यासाठी लकी असल्याचंही त्यांनी सांगितलं आहे. “मी दोन प्लॉट खरेदी केले आहेत. एवढी किंमत देऊन मी या जमिनी खरेदी केल्या कारण त्यांचा सर्वे नंबर माझ्या जन्म तारखेशी मिळतादुळता आहे. त्यालाच लागून असलेली जमीनही मी खरेदी केली आहे. तिथे मला सनातन धर्म शाळा उघडायची आहे”, अशी प्रतिक्रिया त्यांनी एएनआयशी बोलताना दिली आहे.