विरोधकांच्या टीकेला प्रत्युत्तर देताना अजित पवारांचे मिश्किल वक्तव्य; म्हणाले, “त्यांची नार्को टेस्ट…”

लोकसभा निवडणुकीच्या प्रचाराची रणधुमाळी सध्या सुरु आहे. राजकीय नेते प्रचारात गुंतले असल्याचे पाहायला मिळत आहेत. मात्र, दिलीप वळसे पाटील हे प्रचारात दिसले नाहीत. त्यामुळे विरोधी पक्षाकडून दिलीप वळसे पाटील यांच्यावर टीका करण्यात आली होती. दिलीप वळसे पाटील हे फक्त शरीराने अजित पवारांसमवेत आहेत. मात्र, ते मनाने तेथे काम करत नाहीत, असा आरोप करण्यात आला होता. यावर अजित पवारांना प्रश्न विचारण्यात आला. यावर अजित पवारांनी मिश्किल वक्तव्य करत प्रतिक्रिया दिली. ते म्हणाले, “आपण त्यांची (दिलीप वळसे पाटील यांची) नार्को टेस्ट करू, म्हणजे ते नेमकी शरीराने आणि मनाने कुठे आहेत कळेल”, असे अजित पवार म्हणाले.

आणखी वाचा

“आधी स्वत:चं जॅकेट सांभाळा, मग धर्मयुद्ध करा”, उद्धव ठाकरेंचा देवेंद्र फडणवीसांना टोला!

महायुतीला सत्ता मिळाली, लाडक्या बहिणींना २१०० रुपये कधीपासून…

Ravindra Dhangekar: “निवडणूक हरत असल्याचे लक्षात येताच…” फडणवीसांच्या ‘ॲक्सिडेंटल आमदार’ टीकेला धंगेकरांचे प्रत्युत्तर; पाहा व्हिडिओ

Devendra Fadnavis: शिराळा येथे देवेंद्र फडणवीस यांचे भरपावसात भाषण; म्हणाले, “पावसात सभा झाली की…”

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

वणीत भाजपमागे शुक्लकाष्ठ, कुणबी वक्तव्यानंतरचे बॅग तपासणी प्रकरण अंगलट येण्याची शक्यता

हेही वाचा : “एकनाथ शिंदे म्हणाले, ईडी-सीबीआयवाले माझ्या मागे लागल्यामुळे…”, राऊतांनी सांगितला अयोध्या दौऱ्यातील प्रसंग

छगन भुजबळांचा प्रचारात सहभाग का नाही?

नाशिक लोकसभेच्या निवडणुकीतून छगन भुजबळ यांनी माघार घेतल्याची घोषणा काही दिवसांपूर्वी केली होती. त्यानंतर शिवसेना शिंदे गटाचे हेमंत गोडसे यांना महायुतीची उमेदवारी जाहीर झाली. मात्र, गेल्या काही दिवसांपासून छगन भुजबळ हे लोकसभा निवडणुकीच्या प्रचाराच्या कोणत्याही सभेत दिसले नाहीत. त्यामुळे छगन भुजबळ नाराज असल्याची चर्चा राजकीय वर्तुळात रंगल्याचे बोलले जात आहे.

अशातच आज उपमुख्यमंत्री अजित पवार यांनी यावर भाष्य केले. ते म्हणाले, “छगन भुजबळ यांची मध्यंतरी तब्येत बरी नव्हती. त्यामुळे ते कुठे प्रचाराच्या सभेत नव्हते. तब्येत चांगली असेल तर बाकीच्या गोष्टी असतात. आता आमचा (अजित पवार गटाचा) एक मतदारसंघ निवडणुकीचा बाकी आहे. मात्र, तरीही आम्ही महायुतीचे घटक आहोत. त्यामुळे सर्व जागा निवडून आणण्यासाठी आम्ही प्रयत्न करत आहोत”, असे अजित पवार म्हणाले.