माझी काय राखली म्हणत अजितदादांकडून आर आर आबा गटाचा सत्कार स्वीकारण्यास नकार

हेही वाचा >>> राष्ट्रवादी काँग्रेसचा निकाल कधी लागणार? राहुल नार्वेकरांचं दोन शब्दांत उत्तर, म्हणाले…

सोमवारी उपमुख्यमंत्री पवार यांनी सांगली जिल्ह्याचा धावता दौरा केला. विटा येथे स्व.आमदार अनिल बाबर यांच्या घरी सांत्वनपर भेट देउन सांगलीला परतत असताना ठिकठिकाणी त्यांचे स्वागत झाले. अगदी तासगावच्या वेशीवर खासदार संजयकाका पाटील यांचे पुत्र प्रभाकर पाटील यांनीही स्वागत केले.यानंतर तासगाव बाजार समितीजवळ आल्यानंतर पवार यांची मोटार आरआर आबा पाटील गटाचे राष्ट्रवादी काँग्रेस तालुकाध्यक्ष विश्‍वास पाटील, अमोल शिंदे आदींसह राष्ट्रवादीचे कार्यकर्ते दादांची मोटार अडवून आबांच्या पुतळ्याला पुष्पहार अर्पण करा आणि आमचा सत्कार स्वीकारा असा आग्रह करीत होते.यावेळी मी आताच सांत्वन भेट केली असल्याने अशावेळी सत्कार नको असे सांगून टाळण्याचा प्रयत्न करत होते. मात्र, कार्यकर्त्यांनी यायलाच लागतय असा आग्रह धरताच दादांनी खडसावून सांगितले, आबांना उपमुख्यमंत्री, गृहमंत्री, प्रदेशाध्यक्ष करण्यासारख्या महत्वाच्या निर्णयात माझा सहभाग महत्वाचा होता.

हेही वाचा >>> कुख्यात गुंडांचे मुख्यमंत्र्यांबरोबर फोटो, गुन्हेगारांचे मंत्रालयात रील्स, विरोधकांच्या टीकेनंतर सरकारची पहिली प्रतिक्रिया

माझ्यासोबत याल म्हणून वाट पाहिली, मात्र आला नाहीत, तुम्ही माझी काय राखली अशा शब्दात आदर सत्कार स्वीकारण्यास आणि आबांच्या पुतळ्याला पुष्पहार अर्पण करण्यास ठाम नकार देत पुढे रवाना झाले. यानंतर अवघ्या शंभर मीटर अंतरावर दादा गटाचे कार्यकर्तै आणि नव्याने नियुक्त केलेले जिल्हा उपाध्यक्ष साहेबराव पाटील व त्यांचे कार्यकर्ते उपस्थित होते. त्याठिकाणी मात्र अजितदादांनी थांबून त्यांचा आदरसत्कार स्वीकारत पुढे सांगलीच्या दिशेने मार्गक्रमण केले.