सोलापूर : काँग्रेस आणि राष्ट्रवादी काँग्रेसने वर्षानुवर्षे मुस्लीम समाजाचा वापर केवळ मतांच्या राजकारणासाठी केला आहे. तर याउलट, राज्यातील मुख्यमंत्री एकनाथ शिंदे यांच्या नेतृत्वाखालील महायुतीचे सरकार खऱ्या अर्थाने सर्वधर्मसमभाव जपणारे आहे, असा दावा शालेय शिक्षणमंत्री दीपक केसरकर यांनी केला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

करमाळा येथे मुस्लीम समाजाने आयोजिलेल्या कार्यक्रमात केसरकर बोलत होते. शालेय शिक्षण,विभागाने करमाळा नगरपालिका शिक्षण मंडळाच्या नामदेवराव जगताप उर्दू शाळेत इयत्ता नववी आणि दहावीच्या वर्गांना मंजुरी दिली आहे. त्याचे औचित्य साधून केसरकर यांचा करमाळा मुस्लीम समाजाच्यावतीने सत्कार करण्यात आला. तसेच मुख्यमंत्री वैद्यकीय सहाय्यता कक्षाचे प्रमुख मंगेश चिवटे यांनाही यावेळी सन्मानित करण्यात आले. यावेळी शिवसेना जिल्हाप्रमुख महेश चिवटे, करमाळ्याचे माजी नगराध्यक्ष शौकत नालबंद, करमाळा मुस्लीम समाजाचे अध्यक्ष उस्मान तांबोळी आदींची प्रमुख उपस्थिती होती.

आणखी वाचा

केसरकर म्हणाले, कोणताही धर्म जातीभेद, हिंसा शिकवत नाही, तर मानवता, अहिंसा, लोककल्याण, शांतता, बंधुभाव, सद्भावना यांची शिकवण देतो. स्वातंत्र्य लढ्यानंतर भारत-पाकिस्तान फाळणी झाली. पाकिस्तान धर्माच्या नावाने निर्माण झाले. भारत धर्मनिरपेक्ष राष्ट्र म्हणून उभे राहिले. आज पाकिस्तानाची प्रचंड अधोगती झाली असताना भारताची ताकद जगभरात दिसून येत आहे. भारतात हिंदू-मुस्लीम समाज गुण्यागोविंद्याने राहतात. एकनाथ शिंदे सरकार सर्वधर्मसमभाव जपणारे आणि हिंदू-मुस्लिमांसह सर्वा समाज घटकांना समान न्याय देणारे आहे. दोन्ही काँग्रेसच्या मतपेटीच्या राजकारणापासून मुस्लीम समाजाने सावध होऊन शिंदे सरकारला साथ द्यावी, असे आवाहन केसरकर यांनी केले.

करमाळा येथे मुस्लीम समाजाने आयोजिलेल्या कार्यक्रमात केसरकर बोलत होते. शालेय शिक्षण,विभागाने करमाळा नगरपालिका शिक्षण मंडळाच्या नामदेवराव जगताप उर्दू शाळेत इयत्ता नववी आणि दहावीच्या वर्गांना मंजुरी दिली आहे. त्याचे औचित्य साधून केसरकर यांचा करमाळा मुस्लीम समाजाच्यावतीने सत्कार करण्यात आला. तसेच मुख्यमंत्री वैद्यकीय सहाय्यता कक्षाचे प्रमुख मंगेश चिवटे यांनाही यावेळी सन्मानित करण्यात आले. यावेळी शिवसेना जिल्हाप्रमुख महेश चिवटे, करमाळ्याचे माजी नगराध्यक्ष शौकत नालबंद, करमाळा मुस्लीम समाजाचे अध्यक्ष उस्मान तांबोळी आदींची प्रमुख उपस्थिती होती.

आणखी वाचा

केसरकर म्हणाले, कोणताही धर्म जातीभेद, हिंसा शिकवत नाही, तर मानवता, अहिंसा, लोककल्याण, शांतता, बंधुभाव, सद्भावना यांची शिकवण देतो. स्वातंत्र्य लढ्यानंतर भारत-पाकिस्तान फाळणी झाली. पाकिस्तान धर्माच्या नावाने निर्माण झाले. भारत धर्मनिरपेक्ष राष्ट्र म्हणून उभे राहिले. आज पाकिस्तानाची प्रचंड अधोगती झाली असताना भारताची ताकद जगभरात दिसून येत आहे. भारतात हिंदू-मुस्लीम समाज गुण्यागोविंद्याने राहतात. एकनाथ शिंदे सरकार सर्वधर्मसमभाव जपणारे आणि हिंदू-मुस्लिमांसह सर्वा समाज घटकांना समान न्याय देणारे आहे. दोन्ही काँग्रेसच्या मतपेटीच्या राजकारणापासून मुस्लीम समाजाने सावध होऊन शिंदे सरकारला साथ द्यावी, असे आवाहन केसरकर यांनी केले.