Deepak Kesarkar on Eknath Shinde Resignation & New Government formation : एकनाथ शिंदे यांनी आज (२६ नोव्हेंबर) मुख्यमंत्रिपदाचा राजीनामा दिला आहे. त्यानंतर मंत्रिमंडळ विसर्जित झालं आहे. राजभवनावर जाऊन शिंदे यांनी राज्यपालाकांडे राजीनामा सुपूर्द केला आहे. त्यामुळे १४ वी विधानसभा विसर्जित झाली आहे. तसेच एकनाथ शिंदे पुढील काही दिवस काळजीवाहू मुख्यमंत्री म्हणून राज्याचा कारभार पाहतील. शिंदे यांनी राजीनामा दिला तेव्हा त्यांच्याबरोबर उपमुख्यमंत्री देवेंद्र फडणवीस, उपमुख्यमंत्री अजित पवार, शालेय शिक्षणमंत्री दीपक केसरकर उपस्थित होते. राजीनामा दिल्यानंतर हे नेते राजभवानाबाहेर पडल्यानंतर केसरकरांनी प्रसारमाध्यमांशी संवाद साधला. यावेळी केसरकर म्हणाले, “मुख्यमंत्री एकनाथ शिंदे यांनी राजीनामा देणं म्हणजे औपचारिकता आहे. शिंदे यांनी आज त्यांचा मुख्यमंत्रिपदाचा राजीनामा राज्यपालांकडे दिला आहे. तसेच काळजीवाहू मुख्यमंत्री म्हणून कार्यभार स्वीकारला आहे”.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
