“…म्हणून नारायण राणेंचा मुलगा निवडून आला”, केसरकरांचा राणेंवर हल्लाबोल

दीपक केसरकर म्हणाले, “नारायण राणे यांचा तोल गेलाय. राणे आपण किती शूर आहोत हे राणे दाखवत असले तरी ते पोलिसांना घाबरतात. ही वस्तुस्थिती आहे. त्यामुळेच नारायण राणे यांची रविवारची (२७ डिसेंबर) पत्रकार परिषद कुणावर आरोप करण्यापेक्षा आपल्या मुलाला वाचवण्यासाठी होती. प्रत्येक निवडणुकीला तुम्ही लोकांना धमकी देऊन निवडून येणार हा काळ आता संपला आहे.”

आणखी वाचा

Manikrao Kokate : “ओबीसी म्हणून त्यांना फक्त मुलगा अन् पुतण्या दिसतो”, राष्ट्रवादीच्याच नेत्याची भुजबळांवर खोचक टीका

Madhuri Dixit : डर चित्रपट माधुरी दीक्षितने का…

अमित शहांचा पुतळा जाळला…राष्ट्रमाता जिजाऊंच्या माहेरी जमलेल्या आंदोलकांनी…

Kalyan Society Dispute : कल्याण मारहाण प्रकरणावर राज ठाकरेंची संतप्त पोस्ट; सत्ताधाऱ्यांना लक्ष्य करत म्हणाले, “मारहाण झाली त्याची आई-बायको…”

कर्नाटकातील सरकारवर बेळगाववरून हल्लाबोल, शंभूराज देसाई म्हणाले…

Amit Shah : “काही जण ५४ व्या वर्षी स्वतःला युवा नेता म्हणतात”, अमित शाह यांची राहुल गांधींवर खोचक टीका

“ज्या प्रकारे अवहेलना करण्यात आली…”, छगन भुजबळांची उद्विग्न प्रतिक्रिया; अजित पवार व पक्षावरील नाराजी व्यक्त करत म्हणाले…

“…तेव्हा यांनी कच खाल्ली”, भुजबळांचा राष्ट्रवादीपाठोपाठ महायुतीला टोला; लोकसभेतली खदखद अखेर बाहेर पडली

“कोण दीपक केसरकर या प्रश्नाच्या उत्तरासाठी ‘ती’ घटना आठवा”

“कोण दीपक केसरकर या प्रश्नाचं उत्तर आठवायचं असेल तर तुमचा आणि तुमच्या मुलाचा खासदारकीत झालेला पराभव आठवा. तुमच्या लक्षात येईल की कशाचीही परवा न करता जीवाची बाजी लावून जो लढला तो सर्वसामान्य कोकणचा माणूस होता. त्या कोकणाच्या माणसांचं प्रतिनिधित्व मी करतो म्हणूनच मी नारायण राणे यांना हरवू शकलो. आजही माझ्याशी लढाई करायची असेल तर ती विकासाच्या कामावर करा. राणे मुख्यमंत्री असूनही २५ वर्षात जेवढा निधी आणू शकले नाही तेवढा मी ५ वर्षात आणला,” असं दीपक केसरकर यांनी सांगितलं.

“संपूर्ण महाराष्ट्राला माहिती आहे मी राणेंचा दहशतवाद मोडून काढला”

केसरकर पुढे म्हणाले, “नारायण राणेंनी मला कितीही हिणवलं तर संपूर्ण महाराष्ट्राला माहिती आहे मी राणेंचा दहशतवाद मोडून काढला. ते माझे व्यक्तिगत शत्रू नाही, आजही मी राणेंच्या मुलांना सुधरा म्हणून सांगतो. सुधारले तरच मुलांचं पुढलं आयुष्य चांगलं असेल. अन्यथा जसा नारायण राणे यांचा राजकीय अंत झाला, तसाच अंत राणेंच्या मुलांच्या राजकीय कारकीर्दीचाही होईल.”

“… केवळ म्हणून नारायण राणेंचा मुलगा निवडून आला”

“कोणत्याच कोकणाच्या माणसाचा कमीपणा व्हावा असं मला कधीच वाटलं नाही. मला कोणतीही राजकीय पार्श्वभूमी नसताना मी ३ वेळा आमदार झालो. दुसरीकडे नारायण राणे पराभूत झाले. राणेंचा मुलगा केवळ तिरंगी लढत होती म्हणून निवडून आला ही देखील वस्तूस्थिती आहे,” असंही केसरकरांनी नमूद केलं.

“पोरकटपणा करू नका म्हणत फडणवीसांनी नारायण राणेंच्या मुलांना झापलं”

दीपक केसरकर म्हणाले, “आज नारायण राणे यांची मुलं कशी वागतात, स्वतः विरोधी पक्षनेते देवेंद्र फडणवीस यांनी त्यांना असा पोरकटपणा करू नका म्हणत झापलं. अजूनही नारायण राणे त्यांच्या मुलांवर नियंत्रण आणू शकले नाही, तर त्यांची दुसरी टर्म देखील अशीच फूकट जाईल. मी काही राणेंचा शत्रू नाही, पण दुसऱ्यांना कमी लेखायचं बंद करा.”

हेही वाचा : “बाबांनो, ‘हे’ करायला अक्कल लागते”, नारायण राणेंच्या बालेकिल्ल्यात अजित पवारांचा हल्लाबोल

“राणेंनी मला डीपीसीच्या बैठकीत हिणवलं होतं, तेव्हा मी त्यांना स्पष्ट शब्दात सांगितलं होतं की, आज तुम्ही ज्या खुर्चीत बसला आहात त्याच खुर्चीवर मी बसेन आणि तेव्हा राणे सभागृहात नसतील. हे नियतीने खरं करून दाखवलं आहे,” असं दीपक केसरकर यांनी सांगितलं.