कर्जत: शिवजयंतीच्या निमित्ताने जिजाऊ ब्रिगेडच्या दीपोत्सव तर सकल मराठा समाज यांच्या वतीने पर्यावरण सायकल रॅलीचे आयोजन  छत्रपती शिवाजी महाराज यांच्या जयंतीच्या निमित्ताने एक दिवस अगोदरच म्हणजे आज दिनांक १८ रोजी सकल मराठा समाज व सर्व सामाजिक संघटना यांच्या वतीने सकाळी पर्यावरण सायकल रॅलीचे आयोजन करण्यात आले होते. तर रात्री छत्रपती शिवाजी महाराज चौकामध्ये छत्रपती शिवाजी महाराजांचा जो भव्य देखावा केला आहे त्या ठिकाणी शेकडो दिवे पेटवून दीपोत्सव साजरा करण्यात आला. यावेळी जिजाऊ ब्रिगेडच्या सर्व पदाधिकारी महिला मोठ्या संख्येने उपस्थित होत्या.  छत्रपती शिवाजी महाराज जयंतीच्या निमित्ताने सकल मराठा समाज यांच्या वतीने विविध धार्मिक कार्यक्रमांचे  आयोजन करण्यात आले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

सकाळी छत्रपती शिवाजी महाराज चौकामध्ये पूजेचा आयोजन करण्यात आला आहे. यानंतर रक्तदान शिबिर, दुपारी डीजेला फाटा देत पारंपारिक पद्धतीने भव्य मिरवणूक यामध्ये ढोल ताशे याचप्रमाणे पारंपारिक सर्व वाद्य व मर्दानी खेळ याचे आयोजन करण्यात आले असून या सर्व कार्यक्रमाला नागरिकांनी उपस्थित राहावे असे आवाहन सकल मराठा समाजाचे समन्वयक रावसाहेब धांडे यांनी केले आहे.

पर्यावरण सायकल रॅलीचे आयोजन

छत्रपती शिवाजी महाराज जयंतीच्या निमित्ताने सकल मराठा समाज व सर्व समाजिक संघटना यांच्या वतीने आज सकाळी पर्यावरण सायकल रॅलीचे आयोजन करण्यात आले होते यामध्ये शेकडो विद्यार्थी आणि नागरिक सहभागी झाले होते. फाळके पेट्रोल पंपापासून या सायकल राहिलेला सुरुवात झाली. कर्जत शहरांमधून पर्यावरणाचा संदेश देत ही भव्य रॅली काढण्यात आली.