हिंगोलीत डेंग्यूची विद्यार्थ्यांला बाधा

जिल्ह्यात सर्वत्र डेंग्यूची साथ पसरली असून, वसमतच्या नवोदय विद्यालयातील प्रतीक काळे यास डेंग्यूची लागण झाली. त्याला प्रारंभी िहगोली व नंतर नांदेडच्या रुग्णालयात उपचारार्थ हलविण्यात आले. औंढा नागनाथ तालुक्यातही डेंग्यूची साथ पसरली आहे.
औंढा नागनाथ शहरातील नागेंद्र गल्लीत राहणाऱ्या चंद्रभागा जावळे यांना अचानक ताप आल्याने औंढय़ाच्या रुग्णालयात दाखल केले. मात्र, प्रकृतीत सुधारणा होत नसल्याने पुढील उपचारासाठी नांदेडच्या रुग्णालयात दाखल केले. त्यांना डेंग्यू असल्याचे निष्पन्न झाले. शहरातील पंजेतन मोहल्ला, जिरेगल्ली, सोनारगल्ली व इतर भागांत तापाचे अनेक रुग्ण आढळून आले. आतापर्यंत १५जणांची तपासणी झाली. त्यांच्यावर उपचार झाल्याची नोंद आहे. खासगी रुग्णालयांतही अनेक रुग्णांवर उपचार सुरू आहेत.