ऋतुजा लटकेंचा राजीमाना न स्वीकारण्यासाठी दबाव टाकला जातोय? फडणवीसांनी ठेवलं नियमांवर बोट; म्हणाले “सर्वांसाठी…”

हेही वाचा >>> अंधेरी पोटनिवडणूक : ऋतुजा लटकेंच्या हायकोर्टातील याचिकेमुळे वाढलं गूढ; ठाकरे गटाची चिंता वाढणार?

“कोणाचाही राजीनामा स्वीकारण्यासंदर्भात काही नियम असतात. त्या नियमांनुसारच राजीनामा स्वीकारायचा असतो. महापालिका स्वायत्त आहे. महापालिका ऋतुजा लटके यांच्या राजीनाम्याबाबत निर्णय घेईल. त्याबद्दल मी काही सांगू शकत नाही. नियम सर्वांसाठीच सारखे असतात. या प्रकरणात सरकारकडून दबाव आणण्याचा प्रश्न नाही. कोणतीही व्यक्ती कोणत्याही बाजूने निवडणूक लढवू शकते,” असे देवेंद्र फडणवीस यांनी स्पष्ट केले.

हेही वाचा >>> समता पार्टीच्या ‘मशाल’ चिन्हावरील दाव्यानंतर उद्धव ठाकरे गटाची भूमिका काय? भास्कर जाधव म्हणाले “हे चिन्ह आम्ही…”

अंधेरी पूर्व विधानसभा पोटनिवडणुकीसाठीच्या शिंदे-गट आणि भाजपाच्या संभाव्य उमेदवारावरही देवेंद्र फडणवीस यांनी भाष्य केले आहे. “बाळासाहेबांची शिवसेना आणि भाजपा एकत्रितपणे ही निवडणूक लढवतील. ही निवडणूक कोणत्या पक्षाने लढवावी हे ठरवण्यासाठी आमची एक बैठक होणार आहे. त्या बैठकीत मी आणि मुख्यमंत्री एकनाथ शिंदे काय ते ठरवू. त्यामुळे कोणालाही थांबवण्याचे कारण नाही,” अशी प्रतिक्रिया देवेंद्र फडणवीस यांनी दिली.

हेही वाचा >>> प्रक्षोभक भाषणप्रकरणी गुन्हा दाखल होताच भास्कर जाधवांची पहिली प्रतिक्रिया; म्हणाले “निखाऱ्यावरून चालताना…”

शिंदे गटाला मिळालेल्या निवडणूक चिन्हावरही देवेंद्र फडणवीस यांनी भाष्य केले. त्यांनी ढाल-तलवार या निवडणूक चिन्हावर टीका करण्यांवर टीका केली आहे. “ढाल-तलवार हे मराठ्यांचे, छत्रपती शिवाजी महाराज यांचे चिन्ह आहे. छत्रपती शिवाजी महाराज यांच्या स्वराज्याचे प्रतिक असेलेली ही ढाल-तलावर आहे. छत्रपती शिवाजी महाराज यांच्या चिन्हालाच गद्दारांचे चिन्ह म्हणणे यापेक्षा मोठी गद्दारी नाही,” असेही देवेंद्र फडणवीस म्हणाले.