निवडणुकीनंतर मुख्यमंत्री कोण होणार? फडणवीसांनी दिलं उत्तर; म्हणाले, “पुढचा मुख्यमंत्री…”

तीन नेत्यांपैकी कोण मुख्यमंत्री होणार?

सध्या राज्यात महायुतीचे सरकार असून या सरकारचे नेतृत्व शिंदे गटाचे प्रमुख एकनाथ शिंदे यांच्याकडे आहे. तर भाजपाचे नेते देवेंद्र फडणवीस आणि अजित पवार गटाचे अजित पवार हे उपमुख्यमंत्रिपदी आहेत. या तिन्ही पक्षांचे नेते आणि कार्यकर्ते आगामी काळात आमच्याच पक्षाचा नेता हा मुख्यमंत्री होईल, असा दावा करतात. त्यासाठी नेते आपापल्या कार्यकर्त्यांना कामाला लागण्याचाही आदेश देताना दिसतात. विशेष म्हणजे अजित पवार, देवेंद्र फडणवीस आणि एकनाथ शिंदे यांचीदेखील मुख्यमंत्री होण्याची इच्छा लपून राहिलेली नाही. त्यामुळे आगामी काळात राज्यात महायुतीचे सरकार आल्यास या तीन नेत्यांपैकी कोण मुख्यमंत्री होणार? असा प्रश्न नेहमीच उपस्थित केला जातो.