उपमुख्यमंत्री देवेंद्र फडणवीस यांच्या पत्नी अमृता फडणवीस या कायमच विविध कारणांनी चर्चेत असतात. देवेंद्र फडणवीस आणि अमृता फडणवीस यांच्याकडे एक ‘पॉवर कपल’ म्हणून पाहिले जाते. मात्र नुकतंच अमृता फडणवीस यांनी महाराष्ट्र नवनिर्माण सेनेचे अध्यक्ष राज ठाकरे यांच्याकडे देवेंद्र फडणवीसांबद्दल तक्रार केली आहे. उपमुख्यमंत्री देवेंद्र फडणवीस यांच्या पत्नी अमृता फडणवीस आणि राष्ट्रवादीचे खासदार डॉ. अमोल कोल्हे यांनी आज राज ठाकरेंची मुलाखत घेतली. या मुलाखतीत अमोल कोल्हे व अमृता फडणवीस यांनी राज ठाकरेंना काही प्रश्न विचारले. त्या प्रश्नांची त्यांनी मनमोकळेपणाने उत्तरं दिली. यावेळी अमृता फडणवीसांनी देवेंद्र फडणवीस हे घरी वेळ देत नाही, अशी प्रेमळ तक्रार राज ठाकरेंकडे केली. यावर राज ठाकरेंनी 'मला तुमच्या घरच्या प्रश्नांमध्ये आणू नका', असे म्हणतं सविस्तर उत्तर दिले.आणखी वाचा : “…तरच लग्न करेन”, अमृता फडणवीसांनी देवेंद्र फडणवीसांना लग्नापूर्वी घातलेली अट "देवेंद्र फडणवीस हे कायम मला व्यस्त असल्याचे सांगतात. त्यामुळे मला तुम्हाला विचारायचं की तुम्हाला कुटुंबाबरोबर वेळ मिळतो का, तुम्ही एकत्र कधी फिरायला जाता का?" असे या मुलाखतीत अमृता फडणवीसांनी म्हटले. त्यापुढे अमृता फडणवीसांनी "मी तुम्हाला हे याचसाठी विचारते की ते कायम मला म्हणतात की, बिझी राजकारणी असेच असतात", असेही म्हटले. यावर राज ठाकरे म्हणाले, "मी तुम्हाला एक गोष्ट निश्चित सांगेन की, देवेंद्र फडणवीस हे २०१४ मध्ये सत्तेत आले. ते मुख्यमंत्री होते. त्यामुळे त्यांच्या खांद्यावर जबाबदारी असते. आताही ते उपमुख्यमंत्री आहेत. त्यामुळे गेल्या काही ७ ते ८ वर्षात ते तु्म्हाला वेळ देऊ शकले नसतील, परंतु तुम्हाला त्यांनी आधी वेळ दिला आहे. तुमचे फोटो मी पाहिले आहेत." आणखी वाचा : शर्मिला ठाकरे राजकारणात आल्या अन् तुमच्या पुढे निघून गेल्या तर झेपेल का? अमृता फडणवीसांच्या प्रश्नावर राज ठाकरे म्हणाले… "पण मला ते भेटले तर मी नक्कीच याबद्दल त्यांच्याशी बोलेन. मी त्यांना काही ठिकाणंही सुचवेन", असेही राज ठाकरेंनी यावेळी म्हटले. त्यावर अमृता फडणवीसांनी "धन्यवाद, त्यांना काही ऑफर असतील त्याही सांगा", असेही त्या म्हणाल्या. देवेंद्र फडणवीस आणि अमृता फडणवीस डिसेंबर २००५ मध्ये लग्नबंधनात अडकण्याचा निर्णय घेतला. अमृता फडणवीस या एक बँकर असण्याशिवाय गायिका म्हणून विशेष सक्रिय आहेत. त्यांनी आतापर्यंत मराठी, हिंदी, इंग्रजी आणि पंजाबी भाषेतील गाणीही गायली आहेत.
